ڕۆژنامەنووس #شوان محەمەد# لە دیدارێکی ڕۆژنامەنووسیدا ڕایگەیاندووە: ناهەقی بەرانبەر شاری #سلێمانی# دەکرێت و من بە زمانی ژمارە قسە دەکەم کە هەموویان داتا و ژمارەی نوێن و خۆم وەک ڕۆژنامەنووس کارم بۆ کردووە و وەرمگرتوون.
شوان محەمەد جیاوازی نەسریەی شارۆچکە و ناحییەکان بەو شێوەیە دەخاتەڕوو: شارەوانی ئاکرێ مانگی 40 ملیۆن دیناری بۆ سەرف دەکرێت کە پلە یەکە، بەڵام شارەوانی #چەمچەماڵ# کە پلە نایابە مانگی 6 ملیۆن دیناری بۆ سەرف دەکرێت، قائیمقامەکانی #سەیدسادق# و چەمچەماڵ نەسریەکانیان 4 ملیۆن دینارە، بەڵام تەنیا #زاخۆ# 375 ملیۆنە .
ڕاشیگەیاندووە: بەڕێوەبەری شارەدێ هەیە لە سنووری دەسەڵاتی پارتی کە سەر بە #یەکگرتووی ئیسلامیی کوردستان#ە، نەسریەکەی چوار ئەوەندەی نەسریەی قائیمقامی #قەرەداغ#ە، کە هەر سەر بە یەکگرتووی ئیسلامییە، بەڵام لە زۆنی سەوزە.
شوان محەمەد ئاماژە بۆ ئەوەشدەکات: لەو ڕوانگەیەوە بۆمان دەردەکەوێت کە بەڵێ ناهەقی بەرانبەر سلێمانی دەکرێت. [1]