ناڤ: خدر
ناڤێ باوک: مەحمود مستەفا مەحمود هروری
سالا ل دایک بوونا: 1943
ڕێکەفتا شەهیدبوونا: #25-02-1981#
$ژیاننامە$
خدر مەحموود مستەفا مەحمود هروری، ل ساڵا 1943 ێ ل گوندێ هرورێ ل دەڤەرا بەرواری بالا هاتە سەر دونیایێ، شەهيدى ل قوتابخانا گوندێ هرورێ دەست ب خواندنا خوەيا سەرەتايێ کرييه، ل سالا 1958 ێ چوويه ناڤنجيا ئامێديێ داکو بەردەواميێ بدەتە خواندنا خوە پاشی چوويه ئامادەييا دهوکێ و سالا 1961 ێ خواندنا ئامادەيی ب دووماهيک دهينيت، پاشی ل دويڤ بريارا (کۆمارا عێراقى) ژماره (574)، ل ڕوژا 25 شوباتا 1981 ێ شەهيد خدر هاتە سێدارەدان.
$خەباتنامە$
خدر مەحموود مستەفا مەحموود هروری، ساڵا 1961 پەیوەندی ب ڕێزێن شۆڕشا ئەیلوولێ دکەت، چالاکيێن وى يێن بەرچاڤ و شيانێن ئەوی ددەمەکێ کێم دا ناڤودەنگێن وی ئەوی ل دەڤەرێ بەلاڤەبوون، ل سالا 1970 ێ ژبەر زيرەکى و شارەزاييا ئەوی ل قوتابخانەيا گوندێ (هرورێ) وەکو (ماموستايێ شورەشێ) هاتييه دامەزراندن، د ئەڤی بياڤيدا ئانکو د بياڤێ فێرکرنێ ژيدا ڕۆلەکێ بەرچاڤ و کاريگەر هەبوويه هەتا ئەڤێ گاڤێ ژی دەمێ ناڤێ ئەوی ل دەڤ قوتابييێن ئەوی دهێت، ڕامانا کوردپەروەری و پەروەردە کرنێ دهێتە بيرا ئەوان ژبەر زيرەکى و کوردپەروەريا ئەوی هەر زوو دبيته بەرپرسێ ڕێکخراوا (پێشکەڤتن) ل دەڤەرا زاخۆ و دهوکێ يێ بەردەوام بوو ل سەر کارێ خوە دناڤا جەماوەريدا.
سالا 1981 ێ ژبەر بزاڤێن ئەوی ل دەڤەرا زاخۆ هاتە گرتن ژلايێ ڕژێما بەعس ڤە، ڕێکەفتا 12ێ حوزيرانا سالا 1980 ێ دگەل هەشت هەڤالێن دی يێن ئەوی هاتنە گرتن، شەهيد لگەل هەڤالێن خوە ل گرتيخانا ميسلێ مانە ل بن ئەشکەنجەدانێ و کارێن نارەويێن ڕژێما بەعس ڤە.
پاشی ل دويڤ بريارا (کومارا عێراقى) ژماره (574)، ل ڕوژا 25 شوباتا 1981 ێ شەهيد خدر لگەل هەڤالێن خوە هاتە سێدارەدان جەنازێ شەهيدى ڕادەستی مالا شەهيدى نەهاتە کرن و جەنازێ ئەوی ل گورستانا (کەسکێ) ل ميسلێ هاتە ڤە شارتن. [1]