گۆڤاری (Heilpraxis) ی ئەڵمانی ئاماژەی بە توێژینەوەیەک کردووە کە لەلایەن تیمێکی توێژینەوە لە زانکۆی باشووری ئوسترالیا ئەنجامدراوە و تێیدا پەیوەندی نێوان تێکچوونی خەو و زیادبوونی هۆکارەکانی مەترسی تووشبوون بە نەخۆشی شەکرەی جۆری دووەمی دەرخستووە.
شیکاری داتاکانی توێژینەوەکە کە لەسەر زیاتر لە هەزار کەس ئەنجامدراوە، دەرکەوتووە کە پەیوەندییەکی نزیک لەنێوان تێکچوونی خەو و نەخۆشی شەکرە هەیە، هەروەها پەیوەندی نێوان کواڵیتیی خەو و تەندرووستیی دڵ و خوێنبەرەکان هەیە.
توێژەران ئاماژەیان بەوە کردووە، تێکچوونی خەو پەیوەندی بە کێشەکانی میتابۆلیزم و بەرزبوونەوەی ڕێژەی بارستەی جەستە و قەڵەویی و بەرزبوونەوەی ئاستی کۆلیسترۆڵ لە خوێندا و هەوکردن لە خوێندا هەیە. هەروەک کواڵیتیی خەویش بە ژمارەی کاتژمێرە پێویستەکان و قووڵاییەکەی دیاری دەکرێت. [1]