#یەکێتیی نیشتمانیی کوردستان#، هەڵمەتی میدیایی لە دژی #مەسرور بارزانی# سەرۆکی حکومەتی هەرێمی کوردستان ڕاگرت.
مەکتەبی ڕاگەیاندنی یەکێتی سەرجەم میدیاکانی حیزبەکەی ئاگادارکردووەتەوە، کە هەڵمەتی میدیایی لە دژی مەسرور بارزانی ڕابگرن.
ئاگادارکردنەوەی مەکتەبی ڕاگەیاندنی یەکێتی بۆ سەرجەم ئۆرگانە فەرمیی و نافەرمییەکانی یەکێتی بووە و پەیوەندی بەو کۆبوونەوەی سەرەتای ئەم هەفتەیە هەبووە، کە لەنێوان مەکتەبی سیاسی هەردوو حیزبە ئەنجامدرا.
یەکێتی ئەم هەنگاوەی تاکلایەنە ئەنجامداوە و وەک دەستپێشخەرییەکیش بووە، بۆ ئاسایکردنەوەی پەیوەندییەکانی لەگەڵ پارتی. [1]