بابەت: وتار
نووسین: #سالار ئیسماعیل مەحمود#
$بەرەو ھەڵمەتێکی نیشتمانی بۆ قوربانیانی #ئەنفال# درووستکردنی دیواربەندی ئەنفالکراوان$
لە چەند گوندێک کە بەر شاڵاوەکانی ئەنفال کەوتوون. دیواربەندیان بۆ ناوو ژمارەی ئەنفالکراوەکانیان درووست کردووە. ئەم کارە سەرەتایەکی درەنگ بەڵام زۆر باشە. شایانی ھاندان و ستایش کردنە.
بانگەواز دەکەم بۆ ھەموو خەڵکێکی خێرخوازو خاوەن ھەڵوێست ھاوکاری ئەو گوندانە بکەن کە کەسوکاریان ئەنفاکراون، لەدەروازەی گوندەکانیان دیوارو سەکۆ بۆ بەرز ڕاگرتنی یادی قوربانیانی ئەنفال درووستبکەن.
ئەنفال ھەزاران گوندی گرتەوەو لە زۆربەی گوندەکان قوربانی ئەنفال ھەن.. ھەرچەندە ھێشتا ئێسک و پروسکی قوربانیان لە سەحراکانی جنوبی ئێراقن، بەڵام ئەم ھەوڵە نوێیە با ببێتە ھەڵمەتێکی نیشتمانی لەچوارچێوەی پڕۆسەی لەیاد نەکردنی تاوانی ئەنفال و ئاسوودە کردنی ڕۆحی قوربانیانی ئەنفال.
ڕێکەوت: #06-05-2022#
[1]