$Kurtejiyana Sutana Eto$
Sultana Eto di dîroka 18-08-2002'an de li gundê Têfşo ya girêdayî #kobanî#ya ser bi Rojavayê Kurdistanê ji dayîk bûye. Ew ji sê xwîşk û birayên xwe biçûktir e.
Di destpêka jiyana xwe ya asayî de, qet nedixwend, tenê bi birayên xwe bi xwedîkirin û şivantiya dewaran ve mijûl dibû.
Dibistana seretayî li gund xwend, lê ji ber şert û mercên jiyana û rewşa koçberiyê nekarî xwendina xwe berdewam bikiraya. Piştî rizgarkirina bajarê kobaniyê di sala 2015'an de, hingê ew îlhama xwendinê pê re geş dibe, lê vê carê bi zimanê dayîkê di refa 9'an de dest bi xwendinê dike. Paşê bi malbatê re diçe Ên îsayê, fêrî zimanê kurdî dibe û her sê astên ziman bi awayekî serkeftî bi dawî dike, peyre vegeriya gundê xwe û li gundê Xizênê xwendina amadehî berdewam kir. Wê gelek astengî di her rêya xwendinê de dît, lê wê gelekî ji xwendinê hez dikir û gelek bend û kelemên li pêşiya xwe derbas kirin.
Ji ber van sedeman di sala 2020'an de di zanîngeha Kobaniyê de beşê zimanê wêjeya kurdî xwend, meraqa wê beşê felsefeyê bû lê mixabin ev beş tunebû, lê dîsa jî karibû bi rêya branşeke din xwe pêş bixîne.
Di sala yekem de wê qet nedizanî ka bê xwendin û wateya pirtûkan çi ye. Gava ku cara yekem derbasî pirtûkxaneyê bû û pirtûk pelandin, hîs bi hezkirina bêhema ji pirtûkan re û dest bi xwendinê kir. Ji van hindê ew dibêje Pirtûkan jiyan bi min da guhertin, ji min keseke din afirand ku min nedizanî ew ez bi xwe me.
Ji van behremendiya sultana Eto gelek nivîs, çîrok û gotar di kovarên mîna sîwan û şermola de belav dike.[1]
Çavkanî: Ji hevpeyvîna bi Sultana Eto re