ناڤ: ڤانێست
ناسناڤ: سەعاتچی
ناڤێ بابێ: بڕیار بەهجەت سەعاتچی
ناڤێ دایکێ: کەژاڵ دارتاش
ڕۆژا ژ دایکبوونێ: 2000
جهێ ژ دایکبوونێ: #سلێمانی#
$ژیاننامە$
ڤانێست بڕیار بەهجەت ژدایکبوویێ ساڵا 2000ێ یە ل باژارێ سلێمانیێ. یارزانێ یارییا بالەیێ یە و هەر ل تەمەنێ بچویکاتیێ ڤە حەزکریێ وەرزشێ بوویە، ب تایبەت یاری و وەرزشا بالە. وی دەسپێکا ژیانا خوە یا وەرزشی لگەل یانەیا تایبەت ب ژنان، «یانەیا ئافرۆدێت» دەسپێکرییە، لێ ژبەر خواندنا خوە چەند ساڵەکان ژ وی وەرزشی دویر کەتییە و نەشیایە بەردەوام بیت. حەتا ساڵا 2014ێ دیسا لگەل «یانەیا ئافرۆدێت» بەردەوامی دایە وەرزشا بالەیێ و نها هەر لگەل وی یانەیێ بەردەوامە ل کاروانا خوە یا وەرزشی. ژ مامۆستا و دەستەیا وی یانەیێ، ب تایبەت مامۆستا نەهرۆ، مامۆستا ئالان، هەروەسا مامۆستا سەنگەر هاندەرێ سەرەکە یێ ڤانێستێ بووینە ژ بۆ بەردەوامی و گەهەشتن ب پلەیا باشترین. ڤانێست ل مالبەتک وەرزش دۆست هاتییە پەروەردەکرن و هەردەم پشتەڤان و هۆگرێ وێ و بەهرەیا وەرزشییا وێ بووینە، وەک ب خوە ژی دبێژیت: «بابێ من ل هەمی پێشبرکێ و پالەوانەتییاندا، تەنانەت ل یاریێن دۆستانەدا ژیک لگەل من بوویە و ئەز هان دایمە و وەک حەکەم و پشتەڤان هێز داییە من، ژبەر کو وی ب خوە ژی تەمەنەک زێدە ژ ژیانا خوە تەرخانێ وەرزشێ کرییە».
=KTML_Photo_Begin=https://www.kurdipedia.org/files/relatedfiles/2022/414274/0012.JPG=KTML_Photo_Alt=ڤانێست بڕیار بەهجت=KTML_Style=width:20%;height:20%;float:right;=KTML_Photo_Target_Link=https://www.kurdipedia.org/files/relatedfiles/2022/414274/0012.JPG=KTML_Photo_End=
لسەر ئاستێ عیراق و پارێزگەهێن کوردستانێ ڤانێست و یانەیا ئافرۆدێتێ شیاینە دەستکەفت و پلەیێن باش بدەست بئینن، کو نها ل پلەیا ئێکەما پێشەنگێ عیراقێنە. وێ وەک ب خوە ژی ل چەندین خولێن بەشداربووییدا، وەک باشترین یاریزان هاتییە دەستنیشان کرن. ل ساڵا 2017ێ ل پالەوانەتیا کوردستانێ وەک باشترین یاریزان هاتییە دەستنیشان کرن، ل ساڵا 2021ێ ل خولا باژێرێ #هەڵەبجە# دیسا وەک باشترین یاریزان ل دوو یارییاندا هاتییە هەلبژارتن، پاشێ ل پالەوانەتیا ساڵا 2021ێ یا عیراقێ، وەک باشترین یاریزانێ شاملە هاتییە بژارتن و دوو جارا ناڤێ وێ ل ڕیزا یاریزانێن هەلبژارتی بوویە ژ بۆ هەڵبژاردەیا عیراقێ.
ڤانێست وەک ئێکەم ئەزموونا خوە یا دەرڤەی وەڵاتی، دوو جارا بەشداری ل پالەوانەتیا بالەیا کەناردەریا وەک هەلبژاردەیا زانۆکیێن عیراقێ ل باژێرێ مسقطی ل وەڵاتێ عومانێ کرییە، هەروەسا ب ناڤێ یانەیا بسطاملی یا #کەرکووک#ێ، ل پالەوانەتیا باژێرێ تکریکێ بەشداری کرییە و شیاینە پلەیا ئێکەم بدەست بئینن و وەک باشترین یاریزانێ یاریێ هاتییە هەلبژارتن و ژ لایێ 3 یانەیان هاتییە بانگهێشت کرن. هەژی گۆتنێیە حەتا نها چەندین یانەیێن وی یاریێ، بۆند پێشکەشی یاریزانا گەنج کرینە، لێ وێ قەبیل نەکرینە و لگەل یانەیا ئافرۆدێتێ بەردەوام و ئاسوودەیە. حەزا وەرزشێ بوویە ئەگەرێ هندێ کو ڤانێست ل زانکۆیێ ژیک هەر وی بەشی هەلبژێریت و نها مژیلی خواندنێ یە ل قویناغا سێیێ. [1]