جێگرێ سەرۆکێ لژنەیا پەترۆل و گازێ ل پەرلەمانێ عیراقێ راگەهاند، حکومەتا عیراقێ رەزامەندى نیشاندا پۆستێ جێگرێ کۆمپانییا سۆمۆ بدەتە حکومەتا هەرێما کوردستانێ.
نەهرۆ رواندزى جێگرێ سەرۆکێ لژنەیا پەترۆل و گازێ ل پەرلەمانێ عیراقێ راگەهاند، وەزارەتا پەترۆلا عیراقێ رەزامەندى نیشاندا کو پۆستێ جێگرێ سەرۆکێ کۆمپانیا سۆمۆ ب حکومەتا هەرێمێ بدەت، هەروەسا لژنەیەکا هەڤپشک یا چار کەسى دێ هێتە پێکئینان، دوو ژ کۆمپانییا سۆمۆ و دوو کەسێن دیژى دێ ژلایێ هەرێما کوردستانێڤە هێنە دیارکرن بۆ پێداچوونێ د هەڤپەستنێن پەترۆلێ و شێوازێ بازارکرنا پەترۆلا هەرێمێدا.
گوت ژى : هژمارەکا بانکییا نوو دی بۆ داهاتێ پەترۆلا هەرێما کوردستانێ ل ژێر دەستهەلاتا حکومەتا هەرێمێ و چاڤدێرییا حکومەتا عیراقێ هێتە ڤەکرن، دگەل دەستپێکرنا هناردەکرنا پەترۆلێ بهایێ پەترۆلا هەرێمێ دێ ب بهایێ سۆمۆ و جیهانێ هێتە فرۆتن، ئەڤ رێککەڤتنە دێ هەتا پەسەندکرنا پرۆژە قانوونا بودجەى یا بەردەوام بیت، پاشان دێ رەشنڤیسا قانوونا پەترۆل و گازێ ل سەر هێتە نڤێسین.[1]