سەتتاری سڕپۊش
بەشۍ دوەمە
میرزا ئۆلقاڎر، هەڵای هەر خەریکەن باجەتو پیرا مەکەرۊن تکاکار، زانا شەرعیەکۍ، عاریفەکۍ، دماجار مەیاوۊ وەردەمو ئاسانەو شېخانو نەقشبەندی، شېخی سیراجەدین، ضیائدین، ....
باجەتی ئه و پیر، مەلایک ڕەوشت
ئەمداد دەهەندەی، دەستە‌پاچان گشت
ئەولاد حەزرەت ئه و مەولانا بۍ
تەوفیق بەخش هەر ناتەوانا بۍ
بەشق ئه و بادەی دادەی ئه و ساقی
قوتبلئەتقیا محەممەد باقی
بەشق ئه و واقف، سڕڕ نەهانی
ئیمام بېعەیب، ڕەوای ڕەبانی
دەریای مەعریفەت بەحر مەعانی
شاباز پەرواز ڕای لامەکانی
عومر وېش تەمام پەی تۊ کەرد فانی
وەر کەس نەزانۊ، تۊ وېت مەزانی
ئه و نوور دیڎەی فاروق ئەحمەد
تازەش کەردەوە شەرع محەممەد
تا ئه و ڕۊ یانەی گڵکۊ بی وە جاش
نگای کەس نەکەوت، وە سەرپەنجەی پاش
وە دوو فەرزەندان ئه و غەوس قەییووم
(عروەالوسقا) سەعید و مەعسووم
وە (عەبدلئەحەد) دەریای کەرامەت
وە خواجە عابید، هومای وەلایەت
وە عومدەی ئاداب شای (عیلموالیەقین)
سوڵتان پیران یانی سەیفەددین
بەشق ئه و سەیید، نورانی پەڕنوور
درەخشان جە دوور چوون تەجەللای توور
خولاسە و خالس پەی عالەم ئومید
سەیید محەممەد، بە دوانی زەید
وە حەبیب‌الله حەبیب مەزهەر
جە لای ئایەنەی دین پېغەمبەر
بەشق شای جامیع خەفی و جەلی
شای ساحیب نفوز عەبداللەی دهلی
بەشق جانفدا سەیید کەونەین
شای زیائەدین هەم زیجەناحەین
بەشق تەسەرف شای (سیراج الدین)
پیر دەست گیر، قوتب سەرزەمین
ستوون سەیوان دین پاک حەق
ماوای فیوزات شەرەفناک حەق
مەئمور ئاداب ڕای شەرع ئەنوەر
مەحرەم و ئەسرار خوڎا و پیغەمبەر
عوسمان سانی کان سەخا و جوود
پیر با وقووف دانای هەر مەقسوود
وە تەئسیر دەنگ قوتب زەمانە
پیر بیۍ نەزیر ئەی هەورامانە
بە حەق ئه و پیر ئەولیای کامڵ
قوتب‌العارفین تەوېڵۍ مەنزڵ
مەحبووب بیۍعەیب جەمین جام نوور
مەخموور بادەی شەرابەن تەهوور
شابەهای سانی قیبلەی دنیا و دین
شیخولمەشایخ تورک و هند و چین
بە حەق باتن شای زیائەدین
پیر بیارۍ قوتب ڕووی زەمین.[1]