بە ملیۆنان کەس لە جیهاندا تووشی خەمۆکی بوون و بڵاوترین نەخۆشی دەروونییە لە جیهاندا، بەشێک لەو کەسانەی تووشی ئەم نەخۆشییە بوون لەبری باسکردنی بێدەنگی هەڵدەبژێرن و شەرم دەکەن لای خەڵک باسیبکەن و هەستەکانیان دەربخەن، بەڵام چەند نیشانەیەک لە کەسەکەدا دەردەکەوێت.

1- هەست بە شەکەتی و هیلاکەتی بەردەوام دەکەیت و هیچ وزەیەکت نابێت بۆ ئەنجامدانی سادەترین کاری ڕۆژانە، هەروەها هەست بە بێ هیوایی دەکەیت.
2- دووردەکەویتەوە لە ئەنجامدانی کارەکانی ڕۆژانە، یان وانە خوێندن، یاخود پەیوەندیکردن بە کەسە خۆشەویستەکانەوە، ئەو چالاکیانەی جاران چێژی پێدەبەخشیت ئێستا بۆت بێزارکەرن.
3- ئارەزوی خواردن زیاد دەکات، یاخود کەمدەکات و وەکوو پێشتر نییە، هیچ کامێکیان ئاسایی نین.
4- سیستمی خەوت دەگۆڕێت، هەندێک کەس حەز بە خەوتن دەکەن و زۆر دەخەون، هەندێکی دیکە بە پێچەوانەوە گرفتی خەویان بۆ درووستدەبێت، ئەمەش بە پێی دۆخی دەروونی کەسەکەیە.
5- هەست و سۆزت کەمدەبێتەوە، ناتەوێت هەستەکانت دەربخەیت، یاخود هەندێک کاتیش خۆت هەست بە دڵخۆشی یان خۆشەویستی ناکەیت. [1]