میرزا ئۆلقاڎر، تاریفۍ وېش کەرۊن کە چەنی دلۍ هارەو هەوەسیشەنە هاڕیان، چوونکم شۊنەو هەواو هەوەسیش کەفتەن، ئیسە گرفتارەن، زام زەڎەن، ماران گازەن، چەمەڕاو عیلاجیەن جە چەم خومارا، بەڵکم چن نیگێوەش پەی بکیانا، زامانش کەمێ ساڕېژکەران.
میرزام خارانم
میرزام خارانم میرزام خارانم
خەمزەدەی خەمبار خاری خارانم
هاڕیای هەوەس هارەی هارانم
پیکیای پەیکان موژەی یارانم
دڵ بەردەی قولاپ گاز مارانم
ئارەزووی دەرمان چەم خومارانم
کەبک کۊڵیتوار کەوتە کارانم
هەوەسیای هەلاچی سەر دیارانم
قەیس قەتران پۊش ڕۊزگارانم
وامەندەی دڵ تەنگ سەرد یارانم
سەناگۊی باڵای شەم ڕوخسارانم
توحفەی ماڵ عەشق وەفادارانم
سەر حەڵقەی زومرەی گرفتارانم
سەڕاف شېوەی شەدەلارانم
ئاوازەی گرۊی بەڎکردارانم
سزاوار دۊس دوور جە یارانم
پیر مەیخانەی خۊش‌گەوارانم
دایېم هەمنشین جورعەی یارانم
شەریک دەوڵەت شاسوارانم
چەمەڕای خەڵات کەرەمدارانم
ئیسە زامزەدەی پای مەزارانم
عووریان چوون پایېز وەڵگ دارانم
یا بڎە تۊ ئەی بۊی عەتارانم
یا وېت بۊ بکەر سەنگەوارانم
نەمەندەن هەوای شەوق جارانم
چوون وەحشی مایېل وە کۊسارانم
ڕاسەن پەی قودرەت شەدەلارانم
(قاڎر) هەر وە خاک وەر موغارانم.[1]