ناونیشانی بابەت: نەخۆشییە سێکسییە گواستراوەکان 02
ئامادەکردن: د. #ڕەنج بیلال کاکەیی#
ئەو هۆکارانەی وا دەکەن کەسیک ئاسانتر و خێراتر تووش ببێت لە ڕاستیدا هەر کەسێک سێکس بکات ئەگەری تووشبوونی هەیە بەڵام لەم حاڵەتانەدا زۆر زیاتر ئەگەری تووشبوون هەیە.
- سێکس کردن بە بێ کۆندۆم یان بەهۆی باش بەکارنەهێنانی کۆندۆمەوە.
- سێکس کردن لەگەڵ چەند کەسێک ئەگەری تووشبوون بەم نەخۆشییانە زۆر زیاد دەکات.
- کەسێک پێشتر تووشبوبێت ئەگەری تووشبوونی زیاترە.
- تەعەدای سێکسی.
- بەکارهێنانی لەڕادەبەدەری ئەلکهوڵ ، یاخود دەرمانە یاساغەکان.
- بەکارهێنانی دەرزی و هاوبەشی پێکردنی.
- تەمەنی نێوان 15 بۆ 24 ساڵی زیاتر تووش دەبن.
- کۆرپەلە لە ڕێگای دایکی تووش بوەوە.
- لەبەرئەوەی زۆربەی نەخۆش هەست بە نیشانەکان ناکات کاتێک ئەم نەخۆشیانەیان هەیە، کاتێک هەست دەکات کە ماکەکان دەردەکەون کە بریتیین لەم خاڵانەی خوارەوە:
- ئازاری ناوچەی حەوز.
- ماکەکانی کاتی دووگیانی.
- هەوکردنی چاو.
- هەوکردنی جومگەکان.
-هەوکردنی ناوچەی حەوز.
- نەزۆکی.
- نەخۆشییەکانی دڵ.
-هەندێک شێرپەنجە! وەکوو شێرپەنجەی ملی منداڵدان و کۆم بەهۆی بوونی ڤایرۆسی HPV.
- لە بەشی دواتردا باسی ڕێگاکانی خۆپاراستن دەکەین لە نەخۆشی سێکسی گواستراوە. [1]