بنەچەو بەگزاڎەکا هۆرامانی
بەشۊ ۋیسەمۍ
حەمەسەعیڎسان:
حەمەسەعیڎسان کوڕو عوسمان سانی، ساڵەو (1265ک/ 1848ز) دمای لابەردەی (ئەحمەڎ سانی دوەمی) ، بە یاردی (هەسەن سانی) حوکمو هۆرامانو لهۊنیش گېرتەن دەس، مەڵبەڼو حوکمڕانیەکەیش (نۆسوڎە) بیېنە، دمای دەسبەکاربېیەیش چەنی (هەسەن سان) ی یەکیەتیێ پتەوشان مەرزنانەرە، بە یەک دڵی و یەک دەسی حوکمشان کەردەن، سەردەمو حوکمڕانی (حەمەسەعیدسان) ی سەراپا ۋېگیری و مدرامان بېیەن ۋەراۋەرو دەسەڵاتو ملهوڕو قاجاریەکا و ئەڵقە گۊشەکاشا، پەی ڼوزڎە ساڵا خەڵکو هۆرامانی دلۍ شوڕشی و مدرامانینە بیېنۍ، چن سەرچەمێ باس جە یەرۍ خېزیایا کەران کە خەڵکو هۆرامانی دژ بە داگیرکەرا کوردەسانی کەردېنېشا.[1]