لە تەمەنی 20 ساڵی بەدواوە ژیانت گۆڕانکاری نوێ بەخۆیەوە دەبینێت لە زۆر ڕووی ژیانەوە، قۆناغێکی نوێی تەمەن دەستپێدەکات، گرنگی ئەم قۆناغەش بۆ خانمان ئەوەیە کە لەپاڵ گرنیدان بە ژیان و کارەکانیان گرنگی بەجوانی و مانەوەی گەنجێتی خۆیان بدەن.
ئەرکی خوێندن هەیە لەپاڵیدا ڕەنگە کاربکەیت و پێویستە گرنگی بە خێزانەکەشت بدەیت و زیاتر ماندوو دەبیت لەپێشتر، بەڵام مانەوەی گەنجی و جوانی ڕوخسارت و پاراستنی پێست زۆر گرنگە بۆ ئەوەی ئەرکەکانت لە قۆناغی داهاتوو ئاسان بکەیت.
=KTML_Bold=پێویستە خانمان لە تەمەنی 20 ساڵی بەدواوە گرنگی بەم هەنگاوە گرنگانە بدەن و جێبەجێیان بکەن.=KTML_End=
1. بەکارهێنانی کرێمی دژەخۆر لە هەموو شوێنێک، بۆ ئەوەی بەردەوام پێست پارێزراو بێت لە زیانەکانی تیشکی خۆر و دەرکەوتنی نیشانەکانی پیری و چرچبوون.
2. هەرگیز بە ماکیاژەوە مەخەوە، هەوڵبدە بەتەواوی ماکیاژی دەموچاوت بسڕە و خاوێنی بکەرەوە، بۆ ئەوەی پێست و کونیلەکان هەوا هەڵمژن، چونکە دەبێتە هۆی درووستبوونی زیپکە و خاڵی ڕەش و هەوکردن.
3. خەو گرنگترین پێویستییە بۆ لەشی مرۆڤ و مانەوەی بەشێوەیەکی تەندرووست، بەهەمان شێوەی بۆ پێست و ڕوخساریش، چونکە ماندوبوون و کەمخەوی دەبێتە هۆی تێکچونی ڕەنگی پێست و زوو چرچبوون.
4. بەکارهێنانی ئەو ماسکانەی پێست خاوێن دەکەنەوە و شێداری دەکەن و پێکهاتەی خۆراکی دەدەن بە پێست، لایەنی کەم 1-2 جار لە هەفتەیەکدا، بۆ ئەوەی لە هەموو کاریگەرییەکی نەرێنی بیپارێزیت. [1]