واتەو وەڵینا
ئۊجاخەش کۊرەنە:
خەڵکو هۆرامانی، وەڵۍ ئایینو ئیسلامی پاڕەوۍ ئایینو زەردەشتیشا کەردەن، یۊ جە سیما دیارەکا ئایینو زەردەشتیچ (ئایېرو هارگێ) بېیەن، پېویس بېیەن ئایېرو هارگێ دایېم گڕۊنەو نەکوشیۊوە، کەردەیۆ و خېزنای ئایېرو هارگێچ سەرو شانەو (نېر) ی بېیەن، چوونکووم هېزو ماساوڵاش فرەتەر بېیەن جە ژەنۍ، دلۍ هۊڎەکانە یان دلۍ باخ و کەشانە هېزمېشا کەردېنێ، بە شانۍ ئاردېنېشا پەی دلۍ سوبە و هارگێ، پەوکەی دریان سەرو شانا پېیایرە، گەر خانەوادېوە کوڕشا نەبېیێ، ئایېرشا کوشیېوە، خەڵکی پەنە واتېنۍ ئۊجاخەشا کۊرە بیېنۆ، ئیسەیچ جە هۆرامان ئا ژەن و پیا کە کوڕشا نېیەن، یان هەر زاروڵەشا نېیەن، پەنەشان ماچان: (ئوجاخەشا کورەنە) ، گەر خانەوادێ کوڕەکېشا خرابۍ و لاسارۍ بان، پەنەشان ماچان: وەشڵەی هەر ئوجاخەشا کورە بېیێ، نەک ئانېشا بېیێنۍ.
ئی واتۍ بېجگە مانا مادیەکېش، مانێوە مەعنەویەی قووڵەیچش هەنە، واچیان مروڤ ئۊجاخەش کۊرەنە، دیسان پەی بەها دیارەکا بەکار ئامێنە، پەی نموونەی(وەفا، وەشەویسی، پېیاوەتی، ئازایی،...هتد). خەیامی واتەن:
بش بووبێ وەفا ئێستە وەجاخی کوێرە
کێ ڕاستە لەوانی دیوتە، یەکێ بژمێرە
هەر کووپە مەیە هەواڵی دڵپاکەو بەس
بێ فێڵە، مەترسە، خۆتی پێ بسپێرە.[1]