ناڤ: ئەمین
ناسناڤ: موتابچی
ساڵا ژدایک بوونێ: 1929
جهێ ژدایک بوونی: #سلێمانی#
روژا وەغەرکرنی: #12-05-2022#
جهێ وەغەرکرنێ: لەندەن
$ژیاننامە$
ماڵباتا موتابچی ئێک ژ بنەماڵێن ناڤدار یێن باژێڕێ #سلێمانی# یێ نە، لڤێ ماڵباتاێدە دەهان کەسایەتی یێن نیشتمانی و ئەدەبی و ڕوەشنبیری و زانستی و کۆمەڵایەتی دەرکەتینە .
د.ئەمین موتابچی ئێکەک ژ هیمایێن دیارێن ڤێ ماڵباتێ یە، ئەو زانایەکێ ناڤدارێ کوردستانێ یە و ل بوارێن ئەدەبی و ڕۆشنبیری و زانستیدا خزمەتەکە زور یا پێشکەش کری.
د. ئەمین عەلی سەعید ناڤێ وی یێ تمامی و ب (د.ئەمین موتابچی) یێ بەرنیاسە.
ساڵا1929 ل تاخا سەرچیمەنا باژێڕێ سلێمانی ژدایک بوویە. قوناغێن خوەندنا سەرەتایی و ناڤەندی و ئامادەیی ل سلێمانی بوویە.
موتابچی خولیایێ فێربوونا زمانی فارسی بوویە، لەوما ل سەردەمێ خوێندکاری و مامۆستایی لدەف شێخ نووری شێخ بابە عەلی و مەلا ڕەحیمێ مەریوانی ل سلێمانی، ڕێزمان و ئەدەبا فارسی خوەندییە، ب گوڵستانا سەعدی یێ شیرازی ئاشنا بوویە.
ساڵا1951 چویە خولەکە پێگەهاندنا مامۆستایان و ب سەرکەفتی تمام کرییە و وەکە مامۆستا هاتییە دامەزران.
ساڵا 1959 چوویە پشکا کوردیی یا کۆلیجا ئەدەبیاتا زانینگەها بەغدایێ و ساڵا 1963 ب پلەیا نایاب تمام کرییە و وەکە موعید ل هەمان زانینگەهێ دامەزرایە.
پشتڕە چوویە زانینگەها تەهران و ساڵا 1969 لوێرێ باوەڕناما دکتۆرایێ ل زمان و ئەدەبیاتا فارسی دە بدەست هینایە.
پشتڕە ل کۆلیجا ئەدەبیاتا زانینگەها بەغدایێ ل بوارێن ڕێزمان و ئەدەبا کوردی و فارسی خزمەت کرییە ، سەدان خوەندەکار لسەر دەستی وی باوەڕناما ماستەر و دکتۆرایێ وەگرتییە. پلەیا زانستی یا وی ب خوە ژی بەرزبوویە ژبو پڕۆفیسۆری یێ.
موتابچی، ل بوارێ ئەدەب و دیروک و زانستدە ب نڤیسین و وەرگێڕان خزمەت کرییە و خودیێ چەندین پەڕتووک و لێکولینێن زانستییە.
(کوردنامە) ل دیارترین پەڕتووکێن ئەوە و لژێر کاریگەرییا شانامەی فارسیدە هاتییە نڤیسین، ئەڤ پەڕتووکە بەحسا دیروکا کورد ل دامەزراندنا دەولەتا مادە هەیا کوتاییا #کۆمارا مەهاباد#ێ دکەت، ماوێ 26 ساڵان مژیویلی نڤیسینا ڤێ پەڕتووکێ بوویە، ل ساڵا1970 دەست پێ کر و ساڵا1996 ێ تمام کر و ساڵا2007 چاپ کر.
موتابچی چەندین پەڕتووکێن دن یێن چاپکری و دەست نڤیس هەنە. هندەک ل پەرتوکێن چاپکری:
(تێهەڵکێشیا موتابچی ل 36 غەزەلێن حافزێ شیرازی، دەفتەرا ئێەکەما مەسنەوی مەعنەوی جەلالەدینێ ڕۆمی ب کوردی-وەرگێڕان، دیوانا مەلا وەسمان- لێکوڵین و لێکڤەدان، زەردەشت و شەش چیرۆکێن کوورت، چواردە چیرۆکێن کوورت- وەرگیڕان، کوردستاننامە یا شێرکۆ و ماری، دیوانا موتابچی- دوو بەرگ، کورد و مەسەلەیا کورد - وەرگێڕان) .
موتابچی ئەندامێ کارایێ کۆڕا زانیاری کورد بوو، بڕییا کۆڕ و گۆڤارا خوە خزمەتا زۆر ب ئەدەب و زمانێ کوردی کرییە.
د ساڵێن کوتاییا ژیێ خوە باژێڕێ بەغدا نەرەڤ لەندەنێ جێهشت، لور ژی وەکە مامۆستایێ زمانێن ڕۆژهەڵاتی ل زانکۆیا لەندەن خزمەت کرییە.
پاش خزمەتەکە زور ب زانست و ئەدەب، ل ڕێکەفتا 12-05-2020 ل وڵاتێ غەریبی و ل لەندەنێ وەغەرا داویێ کر.
تێبینی
موتابچی: پیشەیەکا دەستی یا کەڤن ل باژێڕێ سلێمانی یێ یە. ئەڤ پیشەوەرانە، ل موویا بزنان، ب چەند ئامیرێن سەرەتایی، (گوریس و قەیاسە و خەرار) درووست دکرن.[1]