ژدایکبوویێ ساڵا 1923 ل باژێڕێ #سنە# یە.
ژەنیار، ئاواز دانەر و موزیک زان، و دامەزرێنەرێ گرووپا #کامکاران#ە.
حەسەن کامکا ناڤێ وی حسن سوری بوویە، ل زاروکی ڤە حەزەکە زور ژبو موسیقی یێ هەبوویە، ئەو، د زاروکی یێ دە سازەکە سێ تار ل ژەنیارەکێ نابینا کڕی و وی بخوە دەست ب فێربوونێ کر، ئەو ژەنیارێ نابینا ناڤێ وی علی خان بوویە.
ل ژیێ 12 ساڵیدە ل قوتابخانەیا نیزام هاتییە دامەزراندن و ل ژیێ 17 ساڵیدە ئامیرێن کلاسیکی ناسینە، ب تایبەت ڤیۆڵۆن. ئەو، ل قوتابخانەیا نیزام فێری سۆڵفێژ بوویە، پشتی ڤێ سازێ، ب بێ مامۆستا و ب سەەد وەرگرتن ل کتێبا نۆت و ڕەدیفا ئەبولحەسەن سەبا فێر دبوو. ئەو فێری هەموو سازێن ئێرانی و کلاسیکی بوو، تار، سێ تار، ڤیۆڵۆن، کەمانچەی ب بێ مامۆستا ب باشی فێربوو، تەنانەت دکاری وان سازان کۆک بکات.
ل ساڵا 1961 دا کاری، بە ئالیکارییا وەزارەتا ڕەوشنبیری یا ئیرانی ئێکەمین پەیمانگەها مۆسیقا یا کوردستانێ ل باژێڕێ سنە دابمەزرینیت. ل هەیامەکێ کورتدە کاری چار گرووپێن مۆسیقا دابمەزرینیت، ژوانا گرووپا مۆسیقایا ژنان و گروپا مۆسیقایا زاروکان. ئەوی ژبو هەر ئێک ژوان گرووپان پارچە موزیک دنڤیسین و ڕاهێنان ژێڕە دکرن، بەرهەمێ کارێ چڕوپڕ و وانا هند زوور بوو،
کو بوونە خوەدیێ سێ ئۆرکێستران.
هەروەها، ئەوی بەرپرسیار نەچار کرن کو پەیمانگەها باڵا یا موزیکێ دابمەزرینن.
ئەڤ گرووپە هەیا ساڵا 1979 هەر یێن چالاک بوون.
حەسەن کامکار، مژویلی کۆمکرنا نەغمە و ئاوازێن کوردی بوویە، ئەو ب نۆت دنڤیسین، ئەو شیا 400 پارچە موزیکێن کوردی بنڤیسیت.
حەسەن کامکار کاری خەڵکێ کوردستان پتر نزیکی موسیقایێ بکەتن، هەیا بارودوخێ قورسێ وی سەردەمەی ژبیرا خەلکی بچتن.
حەسەن کامکار و چالاکی یێن وی بوونە ئەگەرێ هندێ کو هەزا موزیکێ دناڤا زاروکان زێدە ببیت و ببنە ئەوێن کوو ئیرو هەنە.
ئەڤ، 8 زاروکە هەنە: هوشنگ، بیژن، پشنگ، ارسلان، قشنگ، ارژنگ، اردشیر و اردوان، ئێکەمین ئۆرکێسترای ماڵباتا وانا ل ساڵا 1963 دە هاتە ئەنجامدان؛ لڤێ کۆنسێرتێدە حەسەن کامکار ڤیۆڵۆن دژەنی، قەشەنگێ ستران دگوتن، پەشەنگ و ئەرژەنگ سەنتوورو جاز لێ ددا، هۆشەنگ و بیژەن ب ئاکاردیۆنێ هاریکار بوون، ئەرسەلان و ئەردەشێر هێش زاروک بوون و پشتڕە
بوونە ئەندامێن کامکارەکان. ل ساڵا 1970 دە ئەوان گرووپەکا مام ناوەند بوون.
پشتی چەند ساڵەکان کامکاران تەڤی محەمەد رەزا لوتفی، پەرویز مشکاتیان و حوسێن عەلیزادە ئێکەم هەنگاڤا گرووپا عارف و شەیدا هەلگرت ل سەرەتایا شوڕەشا 1979 ئێکەمین کۆنسێرت بهەڤڕا ئەنجامدا.
محەمەد ڕەزا لوتفی هەڤژینێ قەشەنگ کامکارێ بوو.
ل ساڵ 1992 دە حەسەن کامکار وەغەرا داویێ کر.[1]