لە ئاهەنگی بوک گواستنەوەی کوڕی شای ئوردن، #مەسعود بارزانی# و #مەسرور بارزانی# کوڕی و #بەرهەم ئەحمەد ساڵح#، بەبڕی هەشت ملیۆن دۆلار، دیاریان بۆ بوک‌ و زاوا بردووە.
حەیدەر موسەوی، سەرۆکی دامەزراوەی قیمەی ئێراقی ئاشکرایکردووە، لە کاتی بەشداریکردنیان لە ئاهەنگی بوک گواستنەوە بۆ کوڕی شای ئوردن، مەسعود بارزانی و مەسرور بارزانی کوڕی و بەرهەم ساڵح، بەبڕی هەشت ملیۆن دۆلار، دیارییان بۆ بوک و زاوا بردووە.

ئاماژەی بە ئەوەش کردووە، ئەو بەهەدەردانی پارەیە لەکاتێکدایە، حکومەتی هەرێم فشارێکی زۆری دارایی خستووەتەسەر هاووڵاتییان کە تووشی کێشەی کردون.
دەشڵێت، پێویستە لێپرسینەوەیەکی یاسایی و شەعبی لەو بەرپرسانە بکرێت بزاندرێت ئەو پارانەیان لەکوێ هێناوە، لەجیاتی بەسەر خەڵکی خۆیان دابەشبکەن، دەیکەنە دیاری بۆ خەڵکی دیکە.
ئەوە لەکاتێکدایە هاووڵاتییانی هەرێمی کوردستان سەرەڕای کەمی و نەبوونی کێشە خزمەتگوزارییەکان، بەدەست گرفتی دواکەوتنی مووچە و گرانی کڵاو شمەک لە بازاڕەکاندا دەناڵێنن، لەگەڵ ئەوەشدا حکومەتی هەرێم بڕێکی زۆری پارەی فەرمانبەر و مووچەخۆری هەرێمی بەناوی پاشەکەوت و لێبڕین خواردووە. [1]