لێبۆرین د ئێزدیاتیێ دا
لێبۆرین دئێزدیاتیێ دا ڤەگەڕا ئیمانێ یە ئێکە ژ باوەریێن خودێ ناسیێ، ئێزدیاتی د رێیا ئۆلی دا باش هاتییە شرۆڤەکرن و زەلالکرن، زاڤبوونا قەوم و مللەتان لسەر روویێ کنیاتێ گەلەکە و بەرو زێدەبوونێ دچە و رۆژ بۆ رۆژێ ئینسان مرۆڤ دچنە خواندنگەها و تێنە پەروەردەکرن ژ بۆ پێشە رۆژا خۆ و گەل و وەلات و شارستانیەتێ بەلێ مخابن دگەل هندێ دا رۆژ بۆ رۆژێ نەبو و بوختان و دزی و دەرەو و کوشتن و زنا و گەندەلی و هەموو جۆرێن خرابیێ پەیدادبن و هەر کەسەک خۆ دورست دبینت و یێ بەرامبەری خۆ نەزان دبینت، ئەڤ کار و کریارێن خراب و نەد رەوا هەموو دگەل ژیێ مرۆڤان دەرباز دبن و هەر کەسەک دێ بێژیت: مە خودێ وێ هەی و هەموو ل هیڤیا خودێ.
یەفەرە ئەم ل بیرا خۆ بینن و باش پێ هزربکەین ئەڤ هەموو خرابی لسەر دەستێ ئینسانە چێدبن هەکە خودایێ مەزن ل ڤان نەبۆری بە گەلەکا بزەحمەت بوو.
خودێ خودان رەحمە و برەحمە خۆ دگەل مە ئینسانە دکەت و هەکە نەژ رەحما وی بت ئەم ناژین و پاک و تەنا نابین.
خودێ مەزن ل ئینسانە دبۆریت و دبەخشینت دەمێ ئینسانەک لێبۆرناخۆ ژ ئێکی بخوازیت ئێک سەر رەحم دکڤە دلێ وی و بەختەوەر دبیت، لەوما دئێزدیاتیێ دا هاتییە دیارکرن لێبۆرین ئێکە ژ ئەرکانێت باشیێ ل رێیا خودێ ناسیێ و ڤەگەڕا ئیمانێ یە، هەر کەسێ ل کەسەکی بۆری دێ دلێ وی ل ئیمانا وی ڤەگەرێت و دێ ئیمانا وی ب خودێ مەزنبیت و دێ ب سەرکەڤیت.
ژ ئەدەبێ دینێ ئێزدیان دایە دیارکرن و دبێژیت:
هەتا هون ل وێنە
دەرهەقێ زالم و غافلا نەبێنە
ئەوژی بەنیێت خودێنە.
ژ قەولێ مشتاقێ سێ بۆرم:
هەسەد بژی تێر بژی
هنجیێ دلێ وی ژ رەحما خودێ بووا تژی
ئەو دل مالا خودێیە بدەستێ خۆ بخۆ نژی.
کەسانێ رەحما خودێ د دلی دا هەبت ئەو دقارت لێبۆرینا خۆ بخوازیت و رامان ژ لێبۆرینێ ئانکو زانا و خودێ ناس و دور ژ نەبو و دەرەوێ و بێ رێزیێ.
هەو وەسا سەبەقەک ژ ئەدەبێ دینی دبێژت:
هنجی جوانێ ل ر رێیە
هەموو کریارێت وی چێیە
ئەو حەبیبێ خودێیە .
رامان ژ ڤێ سەبەقێ: هەر کەسێ کار و کریارێت وی دباشبن ئەو حەبیبێ خودێیە و لێبۆرین ئێکە ژکار و کریارێن پاک و چاک لەوما ئەو کەس دێ ئێتە ناسین ب خودان بەخت و وەژدان و ئیمان.
ژ قەولێ ئاشێ موحەبەتێ دبێژیت:
خۆسکا منە ب وی مێری
پەدشای خوندییە دێری
ئەو هەڤرانەکی ل ئاشێ موحەبەتێ بخۆ بهێری.
کەسانێ خودن مەعریفەت ئەو بارێ هەڤالێ خۆ هلدگرت و ژیانا وی یە بەختەوەرە و ئەو کەس لێبۆرینا خۆ دخوازت و هەر دەم ئی سەرفەرازە.
بەرۆڤاژی ڤێ هندێ هندەک کەس خۆ مەزن دبینن و لسەر خۆ قەبول ناکەن و د چاڤێن خۆدا لێبۆرینێ ب کێماسی دبینن لەوما هەر دپۆشمانن و شونا لێبۆرینێ فەند و فێلا و پڕ ئاخافتنێ بەلاڤ دکەن و ل دوماهێ شەرمەزا دبن و پۆشمانیا هەرە مەزن ل رۆژا ئاخرەتێ هەق و حسێب دێ ئێتە سەر و بەرگەه دێ چیت و ڤەناگەرێت وەکا ڤێ سەبەقێ دبێژیت:
ئەز برمە مالەکا وێرانە
و ئاخ ئینانە سەر من ب بێلانە
ئەز خلاسکرم ژ غیرەت و خێرانە.
بنیا دەمۆ تە دار ژ وەردە
هەکە بساغی خێر و خێرات نەچۆن ژ بەر تە
ل رۆژا ئاخرەتێ دێ زبێنی زاڤ ئێنە سەر تە .
ژ قەولێ مریدیێ دەتە خویاکرن و دبێژیت:
ئیمان یە وەکا چاڤە
هەکە مووەک کەفت ناڤە
خودان ژبەر گەلەکی تەنگاڤە.
هەر کەسەکی ئیمانا خۆ ب خودێ وا هەی و ئەو کەسێ پێتڤی بۆ و لێبۆرینا خۆ نەخوازیت ئەو وەکا سەبقا علمێ خودێ گۆتی: ئیمانا وی دێ مووەک کەتێ و تاری بت و هەکە لێبۆرینا خۆ خواست دێ رەحم کەفتەدلی و دێ ئیمانە وی لێ ڤەگەڕێت و دێ بەختەوەر بت.
- پیر خلات الیاس. [1]