هەیڤ
~~~~
پیرۆزیا هەیڤێ د ئێزدیاتیێ دا:
-~-~-~-~-~-~-~-~-~-~-
ژ پیرۆزیا هەیڤێ دوو جاران دوعایا هەیڤێ تێتە گۆتن ل پێش بەری هەیڤێ ل سەرێ هەیڤێ ل نیڤا هەیڤێ.
ل گۆڕ قەول و بەیت و قەسیدێن مە ئێزدیان دیار دبت هەیڤ و ڕۆژ وەکا برانە، ڕۆژ بناڤێ شێشمسە و هەیڤ بناڤێ فەخرە لەوما سەبەقەک ژ بەیتا سبێ دپێژیت:
شەمس و فەخر برانە
ل دەریێ میر ڕاوەستانە
ئەو ماشا د دەنە مێرانە .
ل گۆڕ قەولێ ژ هنداڤە چۆمە بانی دپێژیت:
هەیڤ بناڤێ تاووسی مەلەکە ئانکو خودێ هەیڤ کریە خەلاتە و دایە تاووسی مەلەک لەوما هەتا نهۆ دپێژن: مانگا مەلک فەخرەدین و ئەڤ سەبەقە ددەتە دیارکرن:
یا تاووسی مەلەک تو مانگی ل عەزمینی
تو بۆ مە مەسەب و دینی
تو بەحرێت گران د مەیینی
خۆزکا ب وێ ڕوحێ تو بدەیێ و ژێ نەستینی
ئەو دێ ب زۆر دەرەجا ڕا گەهینی.
هەر وەسا سەبەقەک ژ قەولێ قەرەفرقان دپێژیت:
شەمس و فەخر برانە ئانکو ئێک ڕۆژە و ئێک هەیڤە و پەدشا دپێژتێ:
فەخرۆ من خولقاندبوون شەڤ و ڕۆژە
من لناڤ داهر کربوون بەهشت و دۆژە
من مەلک فەرەدین دکرە هەیڤ
و من مەلک شەمسەدین دکرە ڕۆژە.
وەختێ کێما هەیڤێ بێتە کەسەکی دێ ئەوی کەسی ڕەشکەن ب تلیێ و دێ پێژن یا ب دەستووری خودێ و مەلک فەخرەدین و تەنیا ڕەش ل هنی و دەست و پیێن وی کەسی دەن و دێ دوعایێ ب سەردا پێژن و دێ ژ کێما هەیڤێ قورتالبت .
بەلێ هەر کەسێ دوعایا هەیڤێ بزانت و ل سەر و بنێت هەیڤێ دوعایێ ب ڕیزبکەت و کێما هەیڤێ وی کەسی و خێزانا وی ناگریت ، سەبەقەک ژ دوعا یا هەیڤێ:
سلاڤ و سەد جۆت سبار خێر
یا شێخ فەخرێ ئادی یە
من هەیڤەکا خۆ یە نوو دی یە
چی دوڕەکا قیمەتی یە
- پیر خلات - 9/1/2023.
[1]