بەڼەیی هەر پەی خوڎای خاسەن
ئەچی دنیانە، مروڤەکۍ بڕێ فرېشا بەڼېنۍ، ئیتر بەڼەیی پەی خەڵکی، پەی دەسەڵاتدارا، بەڼەیی پەی هەوا و هەوەسی، پەی ئارەزوەکا، یان بەڼەیی پەی خوڎای گۆرەی، کە ئینەشا هەرمانێ ڕاسەنەو مروڤەکۍ چەنەش زەرەر نمەکەران.
ئی ئیدیۆمۍ جە چن حاڵەتێنە بەکار ماران، پەی نموونەی گەر کەسێ هەرمانە کەرۊ پەی ئاغێوە، یان دۊڵەمەڼێ وەراوەر بە هەقدەسێ کەمی، بەڵام زوو زوویچ کواشۆ مېیاچەماشەرە، یان بە تالېقېوە پەنەش واچان، خەفەت موەرۊنو ماچۊ: بەخوڎا بەڼەیی هەر پەی خوڎای خاسەن.
مەبەسش چانەیە ئانەن کە گەر بەڼەو خوڎای بی، هیچ عەیبېش نېیەن چەنە، یان خوڎای گۆرە هەرگیز منەتە نمەکەرۊ ملو بەڼەکاشەرە پېسە بنیاڎمەکا.[1]