پسپۆڕان و توێژەرانی وڵاتی بەریتانیا توێژینەوەیەکیان لەسەر ئەو خانمانە کردووە، کە خاوەن منداڵن و منداڵیان هەیە، هاوکات بە شێوەیەکی زانستییانە کاریگەریی خۆراکەکان لەسەر کۆرپەلە دەسەلمێنن و پێیان وایە، ئەو خۆراکانەی خانمان لە قۆناغی دووگیانیدا دەیخۆن، کاریگەرییان هەیە لەسەر باڵای منداڵەکەیان لە داهاتوودا و ئاشکراشی دەکەن، ئەو خانمانەی منداڵەکانیان باڵایان بەرزە، لە قۆناغی دووگیانیدا سوودیان لە خواردنی ڕۆژانەی پەرداخێک شیر وەرگرتووە.
شیر کانگای کالسیۆمە و گەشەکردن و درێژبوونی ئێسکەکان پەیوەندیی ڕاستەوخۆی بە خواردنەوەی شیرەوە هەیە و خانمان وا باشترە لە قۆناغی دووگیانیدا شیر بخۆنەوە. [1]