بایکۆت Boycottage
بایکۆت، نامۍ ئەفسەرێ ئێرلەندین، سەروەختو ناکۊکی مېیانو بەریتانیا و ئێرلەندای پەی سەربەوۍ بېیەی ئێرلەندای، ئا ئەفسەرە نامېش (بایکۆت) بۍ، تەگبیرش کەرد پەی ئێرلەندیەکا کە هیچ جۊرە کاڵێوە بەریتانی نەسانا و مامەڵەش چەنی نەکەران، ئیتر ئی کارە بە نامۍ ئا ئەفسەرەیۆ نریا.
بایکۆت، بڕیەرەی پېوەندیا چەنی کەسێ، ڕېکۋزیېوە، دۆڵەتێ، کە دوۍ ڕواڵەتېش هەنۍ، وەڵکۆتانە و کۊنەپەرەسانە.
وەڵکۆتانە پېسە بڕیەرەی مامەڵەی چەنی خەڵکە خرابەکا، دۆڵەتە داگیرکارەکا، بەڵام کۊنەپەرەسانە پېسە بڕیەرەی پېوەڼی وڵاتە زەبەلاحەکا چەنی خەڵکە زەحمەت کېشەکا، چەنی دۆڵەتە لاوازەکا.[1]