ب دەستووری خودێ

ئێزدی ب ڤی رەنگی خودێ دناسن و مەدح و سەنا بۆ ناڤێ خودێ ددەن .

یا رەبی تو شەقسێ مرازایی
تو دەلیلێ حەیریایی
تو کەسێ بێ کەسایی
تو مەفەرێ بێ مەفەرایی
تو جەبارێ ژ کەستیایی
تو بازیێ طەنگیایی
تو غەفوورێ گونھایی
تو رەزاقێ رسقایی
یارەبی تو سەرێ سەرایی
تو میرێ میرایی
تو وەزیرێ وەزیرایی
تو حاکمێ حاکمایی
تو ملوکێ ملوکایی
تو میرێ شاە و گەدایی
تو دەرمانێ حەموو دەردایی
ل حەموو دەردا تویی مفحایی
ئەڤ دنیا خودێ یەمەزن
یا رەبی تویی مەزنی
تە ب کەون و کار دانایی
یارەبی تو خالقێ خولقایی
تو میرێ میرایی
تو خونکارێ سەرێ خونکارایی
تو میرێ ھەر چار شارایی
تو رۆنایا چار کنارایی
تو شەوقا چاردە طەبەقایی
تو ستوونا بەرێ سبایی
تو نوری تو دوعایی
تو خالقی تو مەولایی
تو پەدشایی تو رۆنایا دوڕایی
تو میرێ بەحر و بنیان و چیایی
تو نور و کەرەم و بایی

یارەبی تەھەزار و ئێک ناڤ ل سەر خۆ دایی
ناڤێ مەزن ھەر خودایی
ھەر تو لایقی مەدح و سەنایی

یا خودێ خۆزی من ھەبانە ھەزار سەر
ھەر سەرەکی من ھەبانە ھەزا روو
ھەر رووەکی من ھەبانە ھەزار دەڤ
ھەر دەڤەکی من ھەبانە ھەزار زمان
ھەر زمانەکی من ھەبانە ھەزا ر لۆ غەت
ھەر لۆغەتەکێ ھەزا لۆقەت
ھەر لۆقەتەکێ ھەزار جاری
سبێ ھێڤاری ب گاڤ و سەعەت
ل دنیایێ ل ئاخرەتێ داھرێ ل باطنێ
ھەتا رۆژا ئۆمل قیامەتێ

لنگەک ل سەر لنگەک
دەستەک ل دەستەک
بەرێ خۆ ددەمە نوورا شێشم
لالشا نوورانی قاپیا مرازا

بۆ طاعەتێ
بۆ سجودەتێ
بۆ عەبادەتێ
بۆ ناڤێ خودێ یێ شرینێ شریف
یەکێمە و نەگەلەکە

***

یێ تەمام خودێ یە. [1]