ب دەستووری خودێ

دەف و شباب ( شاز و قدوم ):-

دەف و شباب دوو ئامیرێن پیرۆزن ل جەم ئێزدیان ، ھەر ژ کەڤندا مۆزیک د ئێزدیاتیێ دا تایبەت مەندیەکا پڕ مەزن ھەبوویە ، ئەو ب گیان و ھەستێ مرۆڤێ ئێزدی ڤە گریدایە و پیرۆزیا خۆ ھەیە، مۆزیکا ئایینی ھەست و ژدان و دەرۆنێ مرۆڤێ ئێزدی دھەژینت و ب جیھانا پیرۆز ڤە و بروحێن پاکڤە گریدەت و ب دیرۆکا وان یا کەڤنار ڤە .
پرانیا تێکستێن ئایینێ ئێزدیان دگەل دەف و شبابا تێنە گۆتن :-

چەند سەبەقە ژ قەولێ زەبوونی مەکسوور :-

بەعدی ھەفت سەد ساڵە
ھەفت سوڕ ھاتنە ھنداڤە
گۆتە روحێ بۆچی ناچیە ناڤە

***
روحێ گۆ ل با ئاشقا وە مەعلوومە
ھەتا بۆمن ژ بانا نێن شاز و قدوومە
نیڤەکا روحێ و قالبێ ئادەم زۆر تخوومە

***
شاز و قدووم ھاتن و حەدری
نوورا موحبەتێ ھنگڤتە سەری
روح ھات و ل قالبێ ئادەم ئێوری

***
یێ تەمام خودێ یە.[1]