ب دەستووری خودێ
شەرەف دەنگ دکەت ژ ئەساسە
فەھمێ من زۆر قیاسە
تو خدری یان لیاسە
***
خدرۆ یا خدری
ل بەر ھیمەتا قادری
ھەموو جوابا یی حازری
***
برمە دیوانا پەدشێ منێ رێناس
ل بەر سەکنی ھەفتی ھەزار قەلندەر و خاس
نوور ژ کەسک و سۆر و سپی کاس
دوو چاویش ل قەدەم گەھا راوەستان
ئێک دبێژنێ خدر ئێک دبێژنێ لیاس
ژ موحبەتێ دگێرن کاس
***
چەند سەبەقێن پیرۆز ژ قەولێ خدر زەندە :-
ژ علمێ خۆ یێ باتنێ
من ھنەک وێ دایە دنێ
و من ھنەک وێ دایە خدرێ زێندە ب تنێ
***
خدر گۆ ئەز خدرێ زێندیمە
ژ ئەنزەلدا خودێ ئەز داییمە
ئەز سوڕا یارێ بێریمە
***
سوڕ و مەعریفەت و ئەرکانە
خودێ دانە من سوبحانە
دزانم چەن قەندەر دوڕ ل بەحرانە
***
وێت بێژت خدرێ زێندی یە
دبێژمە وە گەلی ئەزدایی یە
ھێڤێنێ پاک ژ کانیا سپی یە
***
یێ تەمام خودێ یە.[1]