عار مەنیۊ
ئیدیۆمێن، پەی کەسێ بەکارمێ هەکە هەس و شعوورش نەبۊن، یام تەرېق نەبۊوە.
کەسی بە قەدر و قیمەت گەر غەڵەتێ یام هەرمانێ ناشیرینەش چەنە بەربشۊ، دمای ساتێ خەجاڵەت مەکېشۊنو داواو بەخشای مەکەرۊن، چوونکوم هەس بە غەڵەتو وېش کەرۊن، مەزانۊ ئانەی واتەنش یام کەردەنش وەش و خاس نېیەن.
خەڵکی بۍ هەس و شعوور گرفتش نېیەن، هەرچن هەرمانۍ بۍ قابیلیەتانۍ و گولۍ بکەرۊن، هەرچن سەرو هەرمانە خراباوە بگېرانەش، ئاڎ تەرېق نمەبۊوەو هیچ لاشۆ عار نېیەن.
هەر پەوکەی وەڵینەکېما واتەنشا کورە ئانە تەرېق نمەبۊوە، جارێ پەی جارێ عار مەنیۊ.
واچەکۍ چانەیۊ ئامێنە هەکە ئا کەسە ئیتر واز نمارۊ جە هەرمانە خراب و قۊڕەکاش، یانی پېسە واچی ئیتر سەرشا نمەنیۊوەو وازشان چەنە بارۊن.[1]