پیروزبایی بۊنەو نەوروزیوە
ژیوای کاژی وزۆ و سات بە سات تازە بۊوە. وېش چەنی سەردەمی تێکەڵ کەرۊ و نۆرۊزەنە چووزەی تازێ بەر مارۆ.
پەنەوازا ئێنسانیچ وېش بدۆ قرەو تازەگەری و ئابدەیتی و چەنی ویری تازەی تێکەڵبۊ. بێوە وېشەرە خاڵە لاوازە وەڵینیەکا لا بەرۆ و بە جێد تێکەڵی سیما و ڕوومەتو سەرڎەمیبۊ.
دیارا پەیاموو نۆرۊزیچ جیا چی نەوا و ئاهەنگ و ڕیتمەیە نیا. پەنەوازا ئېمەی هۆرامی بتاومۍ وەیەرڎەی ڕېزەشۆر کەرمۍ و ئایندەیچ وانمێوە و جۊرێو وېما تێر و تەسەڵ کەرمۍ کە ڕاو هۆرمڕیای و قڵیش بەرڎەی و کرمۆڵی نازمێ. پەیامیچما ئینەن کە سەرو بنەماو حورمەت نیارەی پەی وەڵینا، بەرەو عەقڵیەتی تازەی بە گرڎوو بەشەکاشەوە کریاوە و واڵا بازمێوە.
ئەنجومەنوو ڕۊجیاری سەرو بنەماو خزمەت بە کوردەواری بە گردین و هۆرامانی سەربەرزی بە تایبەت، ڕېخێش کوەینېرە و بانگەوازوو خزمەت بە مەحاڵەکێما ئەوپەڕوو ئەرکی بزانمێ و ڕۊڵوو وېما چی وەخت و ساتەنە ڕېک بەرمێ ڕاوە.
نۆرۊزوو کوردەواری پیرۊزبۊ پا ئاواتە کوردەواری تاسەماڕبۊ و دڵ‌فەرێحی گېرۆشەرە، هۆرامانیچ ولۊ سەربەرزی و گەشاوەزیش ترۆقینەبۊ.
دەسەو ڕاوەبەراو ئەنجومەنوو ڕۊجیاری.[1]