ئەی سەرپەلو ئاواتەکام
ئەی سەرپەلو ئاواتەکام! بۍ تۊ سەراپا ئێشەنا
دۆس و ڕەفێقی نیمەڕا!بۊ وینه بۍ تۊ چېشەنا
تاسەت ئەسیرش کەردەنا، شێتانە ژیرش کەردەنا
بێ‌واڎه پیرش کەردەنا، بۊ وینه بۍ تۊ چېشەنا
چا ڕۊوە تۊ سنیای چەنەم، ڕاو تاقەتی بڕیا وەنەم
دېوانه ماچانێ پەنەم، بۊ وینه بۍ تۊ چېشەنا
ماران به گەل شەوقم گەزان، عاڵەم جە ناڵەم ناڕەزان
بێ‌واڎه بۍ و کەردت خەزان، بۊ وینه بۍ تۊ چېشەنا
ئەی وەش‌تەرین! ناوەشتەنا، ڕچیا به ئەیری گەشتەنا
بەش‌دارەکەی بێ‌بەشتەنا، بۊ وینه بۍ تۊ چېشەنا
سۆتەی نەگڕیات وېمەنا، وردی نەمەڕیات وېمەنا
دېوانە چڕیات وېمەنا، بۊ وینه بۍ تۊ چېشەنا
دیڎەم! به دیڎارت قەسەم داخت پڕووزنانش جەسەم
ئاخێم هەنێ بۍ تۊ هەسەم، بۊ وینه بۍ تۊ چېشەنا
جەمال قادرپوور.[1]