ناونیشانی بابەت: چەند پارچە شوێنەوارێک لەناو بازاڕی کۆیە دەدۆزرێتەوە
ئامادەکردنی: #هەڵمەت بتوێنی#
بەڕێوەبەری فەرمانگەی شوێنەوار و کەلەپووری #کۆیە# ڕایگەیاند، لەکاتی کارکردن لە نۆژەنکردنەوەی دووکانێک لەناو بازاڕی شاری کۆیە، چەند پارچە شوێنەوارێک دۆزرانەوە.
#یەکێتی واحید#، بەڕێوەبەری فەرمانگەی شوێنەواری کۆیە بە (باسنیوز) ی ڕاگەیاند: دوابەدوای ئاگادارکردنەوەمان لەلایەن خەڵکی ناوچەکە لەناو بازاڕى قەيسەرى شارى کۆیە لە کاتى نۆژەنکردنەوەی يەکێک لە دووکانەکانى زێڕنگری و لە کاتی هەڵکۆڵینی زەوییەکە بۆ دانانى قاسەی ژێرزەوی، چەند پارچە خشتێک و هەندێک پارچە گۆزە بەديارکەوتوون.
وتیشی: دوای ئاگادارکردنەوەمان لیژنەیەک لە فەرمانگەی شوێنەوار و کەلەپووری کۆیە بۆ کاری کنەوپشکنینی خێرا پێکهێنرا بە مەبەستی ئاشکراکردنی مێژووی پارچە شوێنەوارییە دۆزراوەکان.
بەڕێوەبەری فەرمانگەی شوێنەوار و کەلەپووری کۆیە ئاماژەی بەوەش دا: بەپێی زانیارییە سەرەتاییەکان، مێژووی ئەم پارچە شوێنەوارانە بۆ هەزارەی يەکەمی پێش زايین دەگەڕێتەوە.[1]