چن پەرس و جوابێ دەربارەو فرەزوانی
بەشۍ: دوەمە
پەرسه: ئێژایی فێربېیەی و وانای به زوانی ئەڎایی چېشەن؟
جواو: ئا پەیجۊریا که جه بڕېو وەڵاتێ ئافریقاینه کریاێنێ، سەلەمنانشا که جه کۊمەڵگای هەژارێ و وەڵنەکەوتێنه که ڕېژەو خوێندەواری، بەتایبەت خوێندەواری ژەنا و کەسانێ بەتەمەنێ ئینا وارەو، پەروەرده به زوانی ئەڎایی پەی زاڕۆڵا فره پەیوازوو گرینگەن. جه لێوتەریچەو وانای به زوانێوە ناوچەیی ونەتەوەیی و میانەتەوەیچ هەرپاسه گرنگەن. پیجۊره جه سەردەمو ئارۊینه بەشێوه فره جه زاڕۆڵاو دنیای پەیوازشا به فێربېیەی یەرێ (3) زوانا هەن: بە پلەو یۆوەمی زوانی ئەڎایی، دماو ئانەیه زوانێوه ناوچەیی و دماتەر زوانێو میانەتەوەیی.
بێ گومان فێرکەردەی وانه زانستیەکا به فێرکارا جه فێرگەنه، پېسەو ویرکاری (ڕیازی) و شیمی و...هتد، مشۊ بەلای کەمەوە (6 تاکو 8) ساڵێ جه فێرگەنه بە زوانی ئەڎاییبۊ. زوانی ئەڎاییچ مشۊ جه لاو پسپۆڕوو شارەزایاو زوانی ئەڎایی به زاڕۆڵا فێر کریۆ. تاکو ئاڎییچ بتاوا زوانی ئەڎاییشا به عالی فێرێ با و جه ڕاو ئی زوانیچەو جه وانه زانستییەکا به عالی بېیاوانه و فێرێشا با.
موختار کەریمی.[1]