#ئێستا کچێک نیشتمانمە#
نیوەڕۆت باش!
من ناوم کیسەڵە
ئەوە چەند ساڵە لەم گوێ گۆمە
حەماڵی ئەکەم
ئا ئەو کونەیش ماڵەکەمە.
بەڵام دوێنێ چەند قاچێکی نیشتمانم لێ پەیدابوون
تووڕە و تڕۆ
بە نووکە شەق هەتا ئەو خوارە بردیانم
پێیان وتم: لەبەر بەرژەوەندی ئاوو ئەو شاخانە
لەبەر بەرژەوەندی هوما و باز و
ئەو هەموو کەڵەکێویانە
ئەبێ بڕۆن، هەتا زووە.
ئێرە چۆڵ کەن...
چونکە هەڤاڵ هەڵۆزادە وا بە نیازە
لە دوای نەورۆز... ئا ئەم ئاستە
لە سەرەوە هەتا ئەو سەر
بکات بە کێڵگەی نازداری
گوڵی خەشخاش!
#شێرکۆ بێکەس# [1]
=KTML_Bold=تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە=KTML_End=