#گوێز# دەوڵەمەندە بە چەوری تەندرووست، وەکوو ئۆمێگا-3 و ترشە چەوری، هەروەها ڕێژەیەکی زۆر لە پرۆتین، ڕیشاڵ، ڤیتامین و ماددە کانزاییەکانی تێدایە و بەم چەند ڕێگەیە پارێزگاری لە دڵ دەکات.
1. ڕێژەی کۆلیستڕۆڵی خراپ کەمدەکاتەوە، دژە ئۆکسانی تێدایە لەگەڵ ڕیشاڵ، کە پارێزگاری لە خوێنبەرەکان دەکات.
2. ڕێژەی پەستانی خوێن (زەخت) کەمدەکاتەوە، پارێزگاری لە تەندرووستی دڵ دەکات.
3. دژە هەوکردنە، پارێزگاری لە کۆئەندامی دەمار دەکات و مەترسی تووشبوون بە نەخۆشییەکانی دڵ کەمدەکاتەوە.
لەگەڵ ئەوانەشدا، گوێز ڕێژەیەکی زۆر لە کالۆری تێدایە، پێویستە ڕێژەیەکی زۆری لێ نەخورێت، لەگەڵ سیستمێکی خۆراکی تەندرووستدا بخورێت، بۆ ئەوەی کێش زیاد نەکات، پێویستە سەرەتا ڕاوێژ بە پزیشک بکەیت پێش ئەوەی هەر گۆڕانکارییەک لە سیستمی خۆراکیت بکەیت، بەتایبەتیی ئەگەر نەخۆشییە درێژخایەنەکانی وەکوو نەخۆشی دڵ و شەکرەت هەیە. [1]