کورد دلۍ چەرخەکا تاریخینە
بەشۍ: چل و نۊهەمە
نویستەی: #هاوڕێ باخەوان#
ساڵەو (122 ز): ئەچی ساڵېنە ڕۊخانەو فوراتی بی بە سنوورو میانو ڕۆم و پارسی.
ساڵەو (216 ز): ئەچی ساڵېنە هۆلېر داگیرکریا بە دەسو کراکلای ئیمپراتۆرو ڕۆمەکاوە، کە دمای داگیرکەردەیش قەڵاکېش ۋڕنا. هەر ئەچی ساڵېنە عەبدولمەسیح سەرۆکو قەشەکا هۆلېری کۊچی دمایینش کەرد.
ساڵەو (219 ز): ئەچی ساڵېنە هەمدیس ئیمپراتۆرو ڕۆمەکا کراکلای هۆلېرش داگیر کەردۆ.
ساڵەو (226 ز): ئەچی ساڵېنە نامۍ هۆلېری و ناوچەکانو چواردۆریش فاڕیێ بە (حەدیاب).هەر ئەچی ساڵېنە ساسانییەکۍ دلۍ شارو هۆلېرینە ڕۆمانییەکېشان زنیێ.
ساڵەو (228 ز): ئەچی ساڵېنە سەرو دەسو ئەردەشېری ساسانینە ئایینو زەردەشتی کریا بە ئایینی فەرمی گردو وەڵاتو ئێرانی. هەر ئەچی ساڵېنە پاشاو ڕۆمی چەنی ئەردەشېری دلۍ ناوچەو جزیرە و ئەرمەنیەینە جەنگێشا کەردو ئاکامەنە حەڕان و نوسەیبین و ناوچەکانو تەرو کوردەسانی کۆتۍ چېرو دەسەڵاتو ئەردەشېری.
ئەسعەد ڕەشید.[1]