زوانو تێکستە کوردیەکا
ڕېکۋزیاو (ژیوای) کۊنیشتو (زوانو تێکستە کوردییەکا) ش پەی نویسەر و پەیجۊرکار ئێژا (ئەیوب ڕۊسەم) بەردڕاوە.
ئارۊ دوەشەمە بە ئاماڎەبییەی ڕاوەبەرو ڕۊشنویری هەڵەبجە و خورماڵی و ڕاوەبەرو چەمڎاری کۊمەڵایەتی و کۊمەڵێ جە نویسەرا و ڕۊشنویر و چالاکواناو کۊمەڵی مەدەنی و مامۊسایا،
ڕېکۋزیاو (ژیوای) کۆنیشتو (زوانو تێکستە کوردییەکا) ش پەی نویسەر و پەیجۊرکار (ئەیوب ڕۊسەم) بەردڕاوە.
جە کۆنیشتەکەنە ئێژا (ئەیوب ڕۊسەم) باسش جە زوانو (گۊران) ی و جوگرافیا و تارېخو زوانەکەی و شاعیرە نامڎارەکاو ئی زوانیشە وست وەروباسی.
دماتەر مێمانێ کۆنیشتەکە بە پرسیار و سەرنجەکاشا بابەتەکەشا دۆڵەمەنڎ کەرد.
یاگۍ واتەین کونیشتەکە بەشیوەزوانو سۆرانی بریاڕاوە جە وەختێنە فرەیی بەشداربېیا هۆرامیۍ بینۍ، بە واتەو بڕێ جە بەشدارا ئەشیێ بەهۆرامی کونیشتەکە بریێ ڕاوە تاکو زوانو هۆرامیچ پیسە سۆرانی و کرمانجی بێوە میڎان، وەلی بەداخۆ بەبەهانی ئانەی با خەڵک بېیاوۊنە زوانو ئەڎایی ویما لاشەخەر کەردەن، پەوکای فرێ جە هۆرامی نمەیاوانە چوون نە میدیانە نە کونیشتەکانە گرنگیێ پاسەش نەدریان پەنە پیسە سۆرانی و کرمانجی و هتد
هەرپاسە دماو کونیشتەکەی جە لاو بەشدارا کونیشتەکەیۆ پەیلواو پەرسەکی ویشا سەرو دەس نویسەکا و پیرشالیار و زوانو ئەدەبېیاتو گورانی و چن پەرسی تەری قسەو باسشا سەر کریا.[1]