ناونیشانی بابەت: گیرانی بۆرییەکانی منداڵدان
ناوی نووسەر: د. #کەژان کاوە تەها#
گیرانی بۆرییەکانی منداڵدان (جۆگەی فالوپ) ئەکرێت نیوەیی بێت یان بە تەواوەتی.
ئەم بۆرییانە هەردوو هێلکەدانی لای ڕاست و چەپ دەبەستنەوە بە منداڵدان و پیتاندنی هێلکە لەناویان ڕوودەدات، ئەگەر کێشەیەک هەبێت لەم بۆرییانە کاریگەریی دەبێت لەسەر دووگیانبوون، بۆ نموونە:
-ئەگەر گیرانەکە نیوەیی بێت ئەگەری ڕوودانی دووگیانی دەرەوەی منداڵدان (حمل خارج الرحم) زۆر زیاد دەبێت.
-ئەگەر گیرانی تەواوەتی بێت لەهەردوولا دەبێتە هۆی ئەوەی خانمەکە نەتوانێت بەشێوەیەکی ئاسایی دووگیان ببێت، بۆ ئەم حاڵەتە چارەسەر بریتییە لە منداڵی بلوری. [1]