ڕۊمانەو گێجاوەو ژیوای، دلۍ کۊنیشتێوەنە جە شارو خورماڵی، ئەشناسیا
ئارۊ پەنج شەممەی (25 -01- 2024 ز) جە هۆڵو شانۆیی (خۆشناو شەهید علی شیعە )ی بە ئاماڎەبېیەیو ڕەوشەنویران و ئەدەب دۆستانو خورماڵی و سنورەکەی جە گلېرۊ بېیەیە تایبەتەنە ڕۊمانەو (گێجاوەو ژیوای) بە ئامادە بیەکان ئەژناسیاو بەخشېیا پەنەشان
ڕۆمانەکێ جە لایەنو نویسا (ئیبراهیم میکە علی)یۆ نویسێنەو جە لایەنو ئێژا (د. ئیبراهیم حاجی زەڵمی)یۆ ئەوە وانایش پەی کریاو باسش جە لایەنە جیا جیاکانو دلێ ڕۊمانەکێ کەرد و حەر پاسە گرنگی نویستەی ڕۊمانێ و نویستەی بە زوانی هۆرامیش وست ڕوە و دماتەر ئامادە بیێ گلېرۊ بیەکەی ڕا و پەیلواو وېشان سەرو بابەتەکەی وست ڕوە.
دماتەر بەشو ڕەوشەنویری و هونەری خورماڵی ئێژانە و پەنە زانای وېش بەخشا بە نویسا (م. ئیبراهیم میکە علی) جە لایەنو ئێژا (م. سەرخێڵ غفار) ڕاوەبەرو گردین و ڕەوشەنویری و هونەری هەڵەبجەیۆ پېشکەشش کریا.
جە دمایی گلېرۊ بیەکەینە ڕۊمانەو گێجاوەو ژیوای بەخشېیا بە ئامادە بیەکانو گلېرۊ بیەکەی و جە لایەنو نویسایۆ نویستەیو واژۆو وېش سەرو کتېبەکاوە پەی بوانەکان نەخشنا.
بنویسمێ بە زوانی هۆرامی، بوانمێوە بە زوانی هۆرامی کە ئاڵاو قەڵەمی نەبڕیەینە باڵاو هیچ مێللەتێویەرە.[1]