نان لە زمان و کولتووری کوردیدا؛ بەشی 01
=KTML_Bold=نان=KTML_End=
هەویری ئاردی گەنم، جۆ، هەرزن و گوڵەدان و شتیوا کە بە تەندوور، سێڵ یا دەزگای ئەوڕۆیی دەبرژێ.
=KTML_Bold=نان کردن=KTML_End=
درووست‌کردنی نان.
دایکی وەختێک نانی دەکرد، لە هەویری بنی سوێنەکە ئەنگوتکێکی چووکەڵەی دەگرت و نانێکی چووکیشی بۆ هەتاو لێ درووست دەکرد.
(حەسەن زادە هەتاو: 39)
=KTML_Bold=نان کردنەوە/ تیر لێدان=KTML_End=
پان کردنەوەی ئەنگوتک و تیر لەسەر گێڕانی.
=KTML_Bold=نان پێوەدان=KTML_End=
بە تەندوورەوەدانی هەویری ڕاهاوێژراوی سەر ڕفێدە.
=KTML_Bold=نان چوون=KTML_End=
لێبوونەوە و بەربوونەوەی نان یا بەشێک لە نانی نەبرژاو لە تەندوور بەهۆی بێ خوێ بوون یا ساردبوونەوەی تەندوور و شتی لەم بگابەتە.
=KTML_Bold=نان دان=KTML_End=
1. زەوییەک کە بەروبووی باشی دەبێت.
زەوییەکە شکوور نانی دەدا.
2. نان بدە بوون، میوانگر بوون.
قەت بووە لەکنە خۆت پیاوەتی بکەی، بدەیەوە نانی/ هەرگیز واش دەبێت. بێ ڕوحمی و بێ ئیمانی/ سەری دوازدە برایان ببڕی لەسەر سفرەی دە نانی.
(بەیتی کاکەمیر و کاکەشێخ)
=KTML_Bold=لە نان بوونەوە=KTML_End=
تەواوی هاتن لە نان کردن.
لانکە دووکەڵی دەکرد، نانکەرە دەریهێناوە، هاویشتێک سەر تەپۆلکێ، ئەگە لە نانی بووەوە، دەستی دایە و بردێ ماڵێ و هاویشتێک پشت پێڕکێ و دیسان بووەوە بە دەنکە هەنار.
(خەجێ نان نەخۆر، هەقایەتی دەنکە هەنار)
=KTML_Bold=هاتنە نان=KTML_End=
1. ئامادەبوونی تەندوور بۆ نان پێ‌کردن.
تەندوورەکە هاتۆتە نانی با ڕێکەوین.
2. هەڵاتن و لەباربوونی هەویر بۆ کردنە نان.
دەغڵەسپیلکە نایەتە نانی.
=KTML_Bold=جۆرەکانی نان=KTML_End=
=KTML_Bold=نان‌تیر=KTML_End=
1. بە شیر دەشێلدرێ و بە ڕۆنی کەرە دەستاو دەدرێ، ڕەشکەی تێ دەکرێت و بە سێڵ دەکرێ.
ناسک دەکوشێ پەنیری/ ناز دەشێلێ هەویری/کاڵێ دەکات نان تیری
(هێمن، دیوانی هێمن موکریانی)
2. ئەو نانەی نانکەرەوەکەی، ئەنگوتکان بە تیر پان دەکاتەوە.
*تێبینی: تیر؛ دارووکەیەکی خەڕاتیکراو بۆ ئەنگوتک پانکردنەوە/تیرۆک.
نان ساجی/ نان شلکی/ نانی سێڵ
ئەو نانەی کە بە سێڵ کرابێ.
یەکێک نانی دەکرد و یەکێک لەسەر سێڵ دەیبرژاند. نانی ئەستوور و زەرد و سووری سێڵی لەلای ڕاستی نانکەرەکە هەڵچنابوو...
(حەسەن زادە، حەمەدۆک، ب1)
=KTML_Bold=نانەتەپی=KTML_End=
نانی بەدەست پانکراوە کە بە زۆری بە سێڵ دەکرێ.
=KTML_Bold=نانەبستە=KTML_End=
جۆرە شیرنییەکی ئیشک و ناسک و چووکە لە ئارد و شەکر، بیسکویت.
... ئەم سەرەچووکەڵە لە پشتەوەڕا ڕاستەوخو یەک پارچە دەهاتە خوار بۆ سەر ملی، بەڵام لە پێشەوەڕا کەللەسەری وەک نانەبستە دەهاتە سەر نێوچاوانێکی قوپیو لەنەکاو پان دەبووەوە.
(حەسەن زادە، دان چەرموو)
=KTML_Bold=نان پانکە=KTML_End=
نانی ئەستوور و خەپلە بۆ هەرمێشک.
=KTML_Bold=نان پەنیرە=KTML_End=
جۆرە نانێک لە شێوەی کەلانە کە لەجیاتی سیر و کوڕادە/ تەڕەپیواز پەنیری تێ دەکرێ.
=KTML_Bold=نانە چەورە=KTML_End=
نانی ئەستووری بەچەوری پێوەدراو.
باوەڕ:
نانە‌چەورەیان دە بن بووک دەنا، هەر منداڵێک بەلای بووکدا ڕۆیشتبا، بووک پەنجەنانێکی دەدایە.
=KTML_Bold=نانە خڕە=KTML_End=
نانی ئەستوور و ڕشکاوی، هەر لە هەویری دەرچوو لێیدەکەنەوە و ڕۆنی تێهەڵدەسوون و دەیکەن بە چنگاڵ.
=KTML_Bold=نانەخوولکە/ نانەخوولە=KTML_End=
جۆرە نانێکی ئەستوور و کوورت و نەبرژاو کە بە چەورکراوی دەخورێ. [1]