ئارۊ ڕۊ زوانی ئەڎایی
وەتەن ئەدانە کەس مەدۊش بەزەڕ
هەرکەدۆش بەزەڕ شێتا یاخود هەر
مەدهۊش
2/21 گرد ساڵیوی یادو زوانو ئەڎێمانە، بڕیو ماچا ئی ڕوە جە کەمپەینەکاو وڵاتاو ئۆروپاو هیندو چینیەکا ئی ڕوە دیار کریان بڕیویچ ماچا نەخێر وەڵا یوگیرتەکێ ئی ڕوەشا پەی کەمەنەتەوەکا دیاری کەردەن، هەرچیبۊ ئیمە بەزوانەکەیما مشناسیەیمێ، بڕیویچ ماچا جە سەرەنجامو یوگېرتەو دیالێکتەکا ئی زوانە ئامان ئاراوە بڕېوێ تەریچ تەنیا جە زوانو بن زارەکاوە زوانی دیاری مەکەرا ، ئێرانیەکێ پاسەزوانەکەو وېشا ئەشناسان ، کەسانیوی تەریچ پاسە گوزارشت جەزوانی کەرا کەمەنزومێوا گرد پیوەرە تاوا یوی گېراو زوانییوی ستاندار وەشکەرا، بڕیویچ پەیلوایشا چامنەن نەخێر مشیوم پاڵو سۆرانېیەنە بادینی و پاڵو هۆرامی وانیو کەئی دابەشکاریە دەسەڵاتی وەشکەردەن هەرگیز ئېمە مەتاومۍ مەلای جەزیری یان مەلای خەتێ وانمێ، ئایچێ نەتاوانشا مەولەوی و سەیدی و بېسارانی واناوە، ئینەیچە لەکێوا دلێ زوانېیەنە هەر پاسە بڕیویچ ماچا دەسەڵاتو پەزلەمانمانیا پەی ڕېک وستەی ئی زوان و زارا پەی نمونەی وڵاتېو پیسەو جەزائیری چن ساڵێن چیرو داگیرکاری فەرەنسایەنە بێنێ، گردو تابلۆکاو سەرو جادەیشا بەزوانی فەرەنسیاو واریچۆ بە گولانەیی بەعەرەبی نویشتەنشا کەچی بەداخۆ جە هۆرامانە شارەوانی ماچۊ ساڵانە تەنیا زەڕو ڕکلامیم دەو حەقم نېیا سەرتۆ بەچ زوانیۆ منویسی، کە ئینە وېش جەوېشەنە لەکیوی فرەگۆرەن پەی هامزوانەکاما کەوەختیو بیگانو ڕوەکەرۊ وڵاتەکێما هەربەزوانو سەرو تابلۆو دوکان و مارکێتەکاما مزانۆ ئېمە خاوەنو زوان و کلتورو وېما نېیەنمێ، وڵاتو وېمانە داگېرێ کرێنمێ، داگیر کەردەیچ تەنیا وېش جە بەرکەدەیەنە مەوێنۆوە پەی خاکێو تەری کرێو تۊ جەیانەو مەنزڵەو وېتەنە بۊنەو زوانە کەیتۆ بێگانە پاسەبزانۆ خاوەن یانەنە، چوون تۊ بەزوان ئایی منویسی و وانیۆ.
یادگار ڕەئوف.[1]
كورديبيديا غير مسؤول عن محتوى هذا التسجيل وصاحبه مسؤول عنه. قمنا بتسجيله لأغراض أرشيفية.
دون هذا السجل بلغة (هەورامی)، انقر علی ايقونة
لفتح السجل باللغة المدونة!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
تمت مشاهدة هذا السجل 316 مرة
اعطي رأيک بهذا المقال!