کورد دلۍ چەرخەکا تاریخینە
بەشۍ: سەڎ و نوزڎەهەمە
نویستەی: #هاوڕێ باخەوان#
ساڵەو (1786ز): ئەچی ساڵېنە عوسمان پاڎشا براو ئۆڕەحمان پاڎشای، بېیەن بە میرو بابانی. هەر ئەچی ساڵېچەنە دەسەڵاتو ئەیوبییەکا ۋڕان.
سالەو (1787ز): ئەچی ساڵېنە چڼیین تۊمارۍ پەی ئېمە مەنېنێ:
* ئیبراهیم پاڎشا دیسان پەی ماوەو ساڵێ بېیەنۆ بە میرو بابانی.
* مېیانو هەر دوە میرنشینو بابانی و سۆرانینە جەنگێ قۊمیان دلۍ دەربەڼو (مێگری بێجان)ی، ئەچا جەنگەنە بابانەکۍ زەرەرێ فرەشان ۋەنەکۆتەن.
*ئۆغوز بەگ، بییەنۆ بە میرو سۆرانی.
*ئیبراهیم پاڎشاو بابانی پەی دوەم جاری بییەنۆ بە میرو بابانی.
*مسیۆنێرێکی کاسۆلیکی ئیتالی بە نامۍ (ماورێز یۆگار زۆنی)، یەکەمین کتېبش دەربارەو ڕازوانی کوردی بە زوانی ئیتالی وەڵاکەردەنۆ.
*شارو ڕەواندزی بېیەن بە پایتەختو میرو سۆرانی.
*پەی یەکەمین جاری (276) واچۍ کوردیۍ، دلۍ کتېبو فەرهەنگو موقاڕەنەینە پەی گردو زوان و شېوەزوانەکا، جە لاو ئەکادیمی پاڵاسی ڕووسیۆ سەرو فەرمانو ئیمپراتور (کاترین)، چاپ کریان.
*تاریخو (28-03-1787ز) گەشتوەر (کلۆدیۆس جیمس ڕیچ)، دلۍ فەرەنساینە ئامان دنیا، نامبریا گەشتێ توولانییەش دلۍ کوردەسانیرە جە تەمەنو (33) ساڵینە کەردېنە، گەلێ زانیاریۍ بە کەڵکېش دەربارەو بابانەکا و ئەردەڵانەکا تۊمارۍ کەردېنۍ.[1]