دیڎارو مەڵڵا حەسەنو دزڵیۍ
نویستەی: #عادل محەمەدپوور#
مەلا حەسەن و کەشماڵێو نیشانەشناسانە دلێتۆو دیوانەکەیش
چکیارەو وتاری[2]
ئی وتارە سەرو ڕوەکەردوو زانشتوو شێوازشناسی و تان و پۆو نیشانەشناسی، یەرێ حەڼایېوە ئاڵنگېیان پەی دیوانەکەو مەلا حەسەنی و هەوڵش دان ڕەخنە بکەرۊ قووڵایی هۆنیاکاش و باری زوانی، ئەدەبی و ڤیریشا بکاڵۆوە و چی سووچە نیگاوە دەسکۆتێش با بە دەسبارێوی وەرەچەم پەی پەڕکەردەیەو هاڵیگاییەکاو تارێخ ئەدەبېیاتیما.
مەلا حەسەنوو دزڵێی، سەدەو سێنزە و چواردەی کۆچی مانگینە، گلێرگێوی هەژار و چینایەتی- خێڵەکیی دەگاو دزڵیەنە ژیوان. شاعێرێوی نیشتمانپەروەر و واقێعگەرای ئیجتێماعین؛ زوانش سادە و چزدار و دیمەن و دلېنەو شێعرەکاشنە نەپەردەچیانەوە سەرو سێناعەتە پېچەڵپېچە ئەدەبییەکا. قۆناغەو پەسامەولۊینە و سەرجەم شێعرێ کوردیێنە، کاریگەریی ئەرېنیش نیانەرە و تۆشێوی بژێوانە بېیەن پەی درێژهەناسەیی ئی سامانە شێعرێ.
یۆ چا نۆرمە ویری و زوانیانە کە مەلا حەسەنش شێوازی تاکینە سەرکۆتە و جیاواز نیشانە دان، هۆنەرمایەو تەنزێ و دەلالەتوو ڕەخنە و ڕەخنەوانیی دلێدەقیی شێعرێن کە بە ڕوەونیای کۊمەڵایەتییەوە پەی گلێرگەو دماکەوتەو ئا دەمیە، دیاردېوی غەریب و شاز مرمانۆنە و تایبەتمەننیېوەن پەی نۆرمەکاو شێوازوو دەورەی و بەردەوامی و برەودایش بە سەرجەم شێعرێ کوردیێ و تایبەتیتەر شێعرەو هورامی و هەرپاسە بریکیایەو[3]وېش.
کرێڵ واچۍ: مەلا حەسەن، شێوازشناسی، درێژهەناسەیی، تەنز، کۊمەڵایەتی
[2] - چکیدە، کورتە، پوختە
[3] - درخشش.[1]