کورد دلۍ چەرخەکا تاریخینە
بەشۍ: سەڎ و پەنجا و ششەمە
نویستەی: #هاوڕێ باخەوان#
ساڵەو (1837ز): چن تۊمارێ پېوەس پی ساڵېوە ئینێ وەردەسەنە:
* هامن و پاییزو ئی ساڵېنە تورکەکۍ هېرششان کەردەن سەرو میرنشینو بۆتانی.
* دلۍ هېرشو (حافز پاڎشای تورکی)نە سەردارێ کوردی بە دیل گېریان، چوونکوم ئاماڎەنەبېیەن یاگۍ و ڕاو پېشمەرگە کوردەکاش پەنە واچۊن، بە زیڼەیی ۋستەنشا دلۍ قازانێ گۆرۍ ڕوەنی قرچیاو شەهیدشان کەردەن.
* ئەچی ساڵېنە (ئاینزۆرس) گەشتێش پەی کوردەسانی کەردېنە.
* وەڵابېیەیۆ نەۋەشی کولێرای دلۍ هېزەکانو عوسمانیەکانە، جە وەختێنە خەریکۍ سەرکۊتکەردەی خېزیاکا میرە کوردەکا بیېنۍ.
* ئەچی ساڵېنە ئەحمەڎ پاڎشا کوڕو سڵێمان پاڎشای بېیەن بە میرو بابانی.
* ئەچی ساڵېنە عەبدوڵڵا حەسەن مکایلی شاعېر ئامان دنیا.
* فەقێ قادری هەمەوەندی شاعېر ئەچی ساڵېنە ئامان دنیا.
* میرنشینو بادینانی ئەچی ساڵېنە بە دەسو تورکەکا ۋڕان.
* ئەچی ساڵېنە میر پاڎشاو کۆرەی دلۍ شارو (تەرابزون)ی، بە دەسو تورکەکا کوشېیان.
* هۊزەکۍ (ڕەشکۆتان و بەکران)ی جە سەرنیشتو کوردەسانی، ئەچی ساڵېنە خېزیێنۍ، ئا شۆڕشە پانیشتو کوردەسانیچش گېرتەنۆ.
* مانگەو (1) ئی ساڵېنە، ڕەشید پاڎشا سەردارو هېزەکانو عوسمانیەکا بە نەۋەشی کولێرای مەردەن، نامبریا سەرداری ئا هېزاشە کەردەن هەکە میرو سۆرانیشا ۋڕنان.
* تاریخو (08-08-1837ز) تورکەکۍ هېرشێ گۆرېشا پەی سەرو قەڵێوە ناوچەو بۆتانی کەردەن، سەرەنجام کوردەکۍ هەرچن بە ژمارە چاڎییشا کەمتەرۍ بیېنۍ، بەڵام تاوانشان (1500) سەربازۍ تورکۍ کوشان و هېرشەکەیچ ماڕان.[1]