کورد دلۍ چەرخەکا تاریخینە
بەشۍ: سەڎ و شەسس و هەشتەمە
نویستەی: #هاوڕێ باخەوان#
ساڵەو (1847ز):
* تاریخو (19-05-1847ز) ڕېککۆتەنامەو ئەرزەڕومی میانو تورکەکان و فارسەکانە بەسیان، بەپاو ئانەیە بڕێ ناوچۍ کوردەسانی ۋزیێنېنە سەرو ئیمپراتۆریەتو عوسمانی.
* مانگەو (6) ئی ساڵېنە، هېرشو تورکەکا بە سەرداری عوسمان پاڎشای پەی سەرو میر بەدرخانی تۊمار کریان.
* تاریخو (27-07-1847ز) میر بەدرخان وېش ڕادەسو عوسمانیەکا کەردەن بە شەرتەو پارېزیای گیانو وېش و سەربازەکاش، بەڵام سوپاو تورکی دەسش جە کاولکاری و کوشتەی سەردارەکا کوردی نەپارېزنان.
* مانگەو (8) ئی ساڵېنە، شۆڕشو بەدرخانی تېکدریانو وېش تەسلیم کەردەن، حافز پاڎشاو تورکی بەدرخانش ڕەوانەو دوورگەو (کریتیان)ی کەردەن و دماتەر بوارش پەنەدان هەکە بلۊن پەی شامی و چاگە نیشتەجا بییەن.
* تاریخو (15-08-1847ز) تورکەکۍ بە سەرداری عوسمان پاڎشای (سیرت)شان داگیرکەردەن.
* تاریخو (19-09-1847ز) خان مەحموڎ وېش دان دەسو تورکەکاوە، ئاڎییچۍ فرە نامەردانە مامەڵەشان چەنی کەردەن، بەستەنشان درەختێوەرە، دماتەر دەم و چەمشان بە هەنگۋین ناوان، دمای ئانەی ئیتر کیاستەنشان پەی ئەستانەی و چاگەیچۆ پەی سیلیستەرو بولگاریای دوورشان ۋستەنۆ.[1]