کورد دلۍ چەرخەکا تاریخینە
بەشۍ: دوەسەڎ و سی و چوارەمە
نویستەی: #هاوڕێ باخەوان#
* ئەچی ساڵېنە، ئەنجومەنو ئەرمانەرا دۆڵەتو عوسمانی هۊرچنیان، کە ژمارەشان (260) ئەندامۍ بیېنۍ، کوردیچ بە (8) ئەرمانەرېوە بەشداریش چەنە کەردەن.
* ئەچی ساڵېنە، حاجی مەلا عەبدولڵای جەلی زادە جە کۆیە کۊچی دمایینش کەردەن.
* ئەچی ساڵېنە، ڕەسول مەستی ئەفەڼی نویسەر، جە شارو سلێمانی کۊچی دمایینش کەردەن.
* مەلا حەسەنی قزڵجی شاعېر، ئەچی ساڵېنە کۊچی دمایینش کەردەن.
* حاجی مەلا عەبدوڵڵای کۆیی، ئەچی ساڵېنە کۊچی دمایینش کەردەن.
*شەهیڎکەردەو ئیبراهیم پاشای میلی، سەردارو خېڵو میلی دلۍ چیاو عەبدولعەزیزی جە وەرنیشتو کوردەسانی و مرکنارەی شۆڕشەکەیش بە دەسو عوسمانییەکا.
* ئەچی ساڵېنە، ڕۊنامێ کوردی بە نامۍ ڕۊنامەو یاردی و وەڵکۆتەو کوردی جە ئەستەمبوڵ، بە دەسو ئەمین بەدرخانی، ئینېچە یاردیدەرېش بېنۍ: ئیسماعیل حەقی بابان زادە، سەعید کوردی و عەبدولقادری شەمزینی.
* سەدری قازی، براو پېشەوا قازی محەمەڎی ئەچی ساڵېنە ئامان دنیا.
* کۊمەڵەو ئیتیحاد و تەرەقی کوردی ئەچی ساڵېنە دلۍ ئەستەنبوڵینە مەرزیارە، دەسەو ئەرەمەرزنای ئینۍ بېنۍ: ئەمین عالی بەدرخان، فەریق شەریف پاشا، شېخ عوبەیدوڵڵا زادە، شېخ عەبدولقادر ئەفەڼی.
* مانگەو (01) ئی ساڵېنە، تورکەکۍ تۊقەو ناوچەو مەهابادی وەرکۆتو کوردەسانیشا دا.
* تاریخو (03-02-1908ز) شارو مەهابادی بە دەسو تورکەکا داگیرکریا، بەڵام دمای یەرۍ حەفتا چۊڵشا کەرد.
* مانگەو (07) ئی ساڵېنە، دەستوری عوسمانی ئاشکەرا کریا، دماتەر ئیتیحادییەکۍ دەسشان ملو دەسەڵاتداری عوسمانیەکارە گېرت.
* تاریخو (06-07-1908ز) شەریف پاڎشاو خەندانی، وازش جە هەرمانەو باڵیۆزی عوسمانی جە سوید ئارد.
* تاریخو (23-07-1908ز) کۊمەڵەو ئیتیحادییەکا تورکیای کودەتاشان کەرد، ئەنجامەنە تورکیا بی بە دۆڵەتێ پاڎشانشینی دەستووری.[1]