کورد دلۍ چەرخەکا تاریخینە
بەشۍ: دوەسەڎ و شەسس و نۊهەمە
نویستەی: #هاوڕێ باخەوان#
ساڵەو(1918ز.):
* ئەچی ساڵېنە، هېزەکانو تورکی بەشێ فرەو وەرکۆتو کوردەسانیشان داگیرکەردۆ.
* ئەچی ساڵېنە، ئاوراییێ فرە دلۍ ناوچەکانو موسڵینە وەڵابیۆ.
* دەزگاو پۊلیسی عێراقی ئەچی ساڵېنە مەرزیارە.
* گۊرانیواچ، غەفوور فەتاح، ئەشناسیا بە گەڕگەڕ ئەچی ساڵېنە ئامان دنیا.
* تایەر بەگی جاف، ئەچی ساڵېنە، کۊچی دمایینش کەردەن.
* ئەچی ساڵېنە، شاعېر مەلا سەعیدی مەلا موسا، جە دەگاو پیسکەندی بە نەوەشی گرانەتای کۊچی دمایینش کەردەن.
* ئەچی ساڵېنە، ئەحمەد فایز سەید مەحمووڎی گڵەزەردەیی شاعېر کۊچی دمایینش کەردەن.
* شېخ نەجمەدینو بیارۍ، ئەچی ساڵېنە کۊچی دمایینش کەردەن، نامبریا شاعېریچ بییەن.
* کریس کۆچێرا، ئەچی ساڵېنە ژمارەو خېزانەکا هۊزو شوکاکیش بە (2000) ئەژمارێنۍ.
* ئەچی ساڵېنە، سمکۆ شکاکی پەلامارەو شارەکانو (سەڵماس، خوی، ورمێ)ش دان، هەرچی سکۍ مفتەو کەرەسۍ سووکەڵۍ و بە قیمەتۍ بېنۍ دلۍ دام و دەزگاکا دۆڵەتینە، چەنی زەڕ و ماڵو دلۍ یانەکا، ماڵو بازرگانا دلۍ ئا شارا، گردش بە تاڵانی بەردۍ و چن کەسێچش کوشتۍ و چڼیین کناچېش دیل کەردۍ و بەردېش.
* ئەچی ساڵېنە، ڕۊنامەو کوردەسانی جە ئەستەمبووڵ بە دەسو تورکەکا وزیارە.
* مانگەو(01) ئی ساڵېنە، ژمارە(4) ڕۊنامەو(یاوانەی ڕاسی)بەرشییەن.
* مانگەو(02) ئی ساڵېنە، ئێران و بەریتانیا، سمکۆشان بە تاوانو کوشتەی مار شەمعونی تۊمەتبارکەرد.
* تاریخو(#15-02-1918#ز.) نزیکەو هەزار سەربازا جیلو، بە فەرمانو کاپیتان گاسفیلدی لوێنە دلۍ شارو ورمێ، ئا سەبازۍ دلۍ بازارینە بە زۊر یەخۍ خەڵکی گېرېنۍ و داواو چەکیشان چەنەکەرېنۍ، هەر ئەچا ڕوانە یەرۍ کەسېشان جە خەڵکو ورمێ کوشتۍ.[1]