$باکووری کوردستان$
- بەگوێرەی هەواڵێک کە لە میدیا تورکەکان بڵاوکراوەتەوە، ئەمڕۆ لە چەلێی سەربە #جولەمێرگ# گەریلاکانی هێزەکانی پاراستنی گەل چالاکیان ئەنجامداوە لە دژی سوپای تورک. ئەگەرچی میدیاکانی تورکیا برینداربوونی پێنج سەربازی تورک-یان ڕاگەیاندووە، بەڵام هێشتا ناوەندی ڕاگەیاندنی هەپەگە لە بارەی ئەو چالاکییەوە ڕاگەیەندراوی بڵاونەکردووەتەوە.[1]
$رۆژهەڵاتی کوردستان$
- حوکمی 25 ساڵ زیندانی تەعزیریی زیندانییەکی سیاسیی کورد، بە ناوی #حاسڵ عەزیزی# خەڵکی گوندی قەرەسەقەلی #شنۆ# لە دادگای پێداچوونەوەی پارێزگای #ورمێ#، بۆ 20 ساڵ کەم کرایەوە.[5]
- بەشێک لە پارێزەرە کوردەکانی نیشتەجێی پێتەختی ئێران، بۆ پشتیوانی لە عەفرین لە بەردەم بینای نوێنەرایەتیی ڕێکخراوی نەتەوە یەکگرتووەکان، کۆبوونەوە و خوازیاری هەنگاوی جیددی و بەپەلەی ئەم ڕێکخراوە، بۆ ڕاگرتنی شەڕ لە عەفرین بوون.[5]
- دوو هاووڵاتیی کورد بە ناوەکانی مەهەدی فەرەجی و ئەیووب عەزیزی خەڵکی شارۆچکەی ڕوانسەر، لە لایەن هێزە ئیتلاعاتییەکان دەسبەسەر کردووە و بۆ شوێنێکی نادیار ڕاگوازراون.[5]
$باشووری کوردستان$
- لە #هەولێر# ساڵیادی تەقینەوەکانی 1ی شوبات بەرزڕاگیرا.[2]
- لە شاری پزیشکیی فاروق لە #سلێمانی# کۆنفرانسێک بۆ نەخۆشییەکانی دڵ بەرێوەچوو.[3]
- فڕاکسیۆنە کوردییەکان لە بەغداد لەگەڵ #حەیدەر عەبادی# لەسەر مووچەی فەرمانبەرانی کوردستان و بودجە و کردنەوەی فڕۆکەخانەکان کۆبوونەوە.[4]
- لە زنجیرە چیاکانی شاخی #بەمۆ#، هێزەکانی ئاسایش دەستیانگرت بەسەر حەشارگەیەکی چەک و تەقەمەنی گروپە چەکدارەکانی #داعش#دا.[3]
$رۆژئاوای کوردستان (بەرخۆدانی عەفرین، ڕۆژی 13هەم)$
- فڕۆکە جەدنگییەکانی سوپای تورک گوندەکانی گوندی مەزن، باشمەرا و باسوفانی سەربە شارۆچکەی شێراوای #عەفرین# کە زۆربەی هاوڵاتییەکانیان ئئێزدین بۆردومان دەکەن.[1]
- لە شارۆچکەی بلبلێی سەر بە عەفرین لە ڕۆژئاوای کوردستان شەڕڤانانی یەپەگە هێرشیانکردە سەر سوپای تورکیا و لە ئەنجامدا 15 سەربازی سوپای تورکیا کوژران. تورکیاش سێ گوند لە شێراوە بۆردووماندەکات کە دانیشتووانەکەی کوردی ئێزدین.[2]
- یەکینەکانی پاراستنی گەل (#یەپەگە#) دژە هێرشیان بۆ سەر سوپای تورکیا و گروپە چەکدارە هاوپەیمانەکانی لە سنوری باکور و ڕۆژئاوای شاری عەفرینی ڕۆژئاوای کوردستان ئەنجامدا.[3]
- 106 پارێزەری کورد کە دانیشتووی وڵاتانی ئەورپان، بە بڵاوکردنەوەی ڕاگەیەندراوێک هێرشی سەر عەفرینیان شەرمەزار کرد و بانگەوازی کۆمەڵگای نێودەوڵەتییان کرد هەستیار بێت بەرامبەر بە عەفرین.[1]
- شەڕڤانانی هێزەکانی سوریای دیموکرات لە گوندی قورنەی سەر بە شارۆچکەی بلبلێی کانتۆنی عەفرین، ئۆتۆمبێلێکی سەربازیی سوپای تورکیان تێکشکاند. هەروەها لە گوندی زەرێی سەر بە بلبلێ لە چالاکییەکی شەرڤاناندا دژی سوپای تورکدا 20 سەرباز و چەتەی سوپای تورک کوژران.[1]
- سوپای تورک ناوەندی شارۆچکەی جندرێسی کانتۆنی عەفرین و هەروەها گوندەکانی کۆتانا و قەرەکۆلای سەربە بلبلێ تۆپباران دەکات.[1]
- پەرلەمانی ئەڵمانیا کۆبوونەوەیەکی ئەنجامدا بۆ تاوتوێکردنی پرسی هێرشەکانی تورکیا بۆ سەر هەرێمی عەفرینی ڕۆژئاوای کوردستان و تیایدا فراکسیۆنە جیاوازەکان هەڵوێستی خۆیان لەدژی ئه و هەڵمەتە ڕاگەیاند و داواکرا کە فرۆشتنی چەکی ئەڵمانی بە حکومەتی ئەنقەرە ڕابگیرێت. لەوکۆبوونەوەیەدا نوێنەری پارتی سەوزی ئەلمانیا جەختی کردەوە کە بەهۆی ئه و هێرشانەی تورکیاوە هاوڵاتیانی مەدەنی لە عەفرین کوژراون و ڕاشیگەیاندنابێت ئەڵمانیا چەک بە تورکیا بفرۆشێت. هاوکات نوێنەری پارتی سۆسیال دیموکراتی ئەڵمانیا له و کۆبوونەوەیەدا جەختی لەوە کردەوە کە پێویستە هێرشەکانی تورکیا بۆ سەر عەفرین ڕابگیرێت و وتیشیهێرشەکان بۆ سەر عەفرین نیگەرانی کردووین.[3][4]

$باکووری کوردستان$
- لە پارێزگای خەرپیت، 7 کەس بە تۆمەتی سووکایەتیکردن بە ئۆپەراسیۆنی سوپای تورکیا بۆ سەر #عەفرین# دەستگیرکران.[1]
- هێزە ئەمنییەکانی تورکیا لە ئەنقەرە هەڵیانکوتایە سەر ماڵی #سۆنگول ئاکبای# ڕاوێژکاری #فیگەن یوکسەکداغ#، هاوسەرۆکی پێشووی هەدەپە و دوای گەڕان و پشکنین لە نێو ماڵەکەیدا، دەستگیریان کرد و ڕەوانەی بەڕێوەبەرایەتی ئاسایشیان کرد.[1]
- گەریلاکانی #پەکەکە# بە ئەنجامدانی چەند چالاکییەک وەڵامی هێرشەکانی تورکیایان بۆ سەر عەفرین دایەوە و بەرپرسێکی هەپەگە ڕایدەگەیەینێت، لە ماوەی 48 کاتژمێری ڕابردوودا 22 سەربازی تورکیا کوژراون.[2]
$باشووری کوردستان$
- لەبەردەم پارکی شانەدەر لە شاری هەولێر، #دەستەی پشتیوانی لە عەفرین#، ئاهەنگێکیان بۆ پیرۆزکردنی سەرکەوتنەکانی عەفرین و دووپاتکردنەوەی پشتیوانیی بۆ عەفرین ئەنجامدا.[4]
- سایلۆی #سلێمانی# تەقێندرایەوە.[3]
- ڕێپێوانی گەنجانی وڵاتپارێزی باشوری کوردستان، کە لە شاری سلێمانییەوە بەپێ بەرەو عەفرینی ڕۆژئاوای کوردستان بەڕێکەوتبوون، ئەمڕۆ لە چوارەمین ڕۆژیدایە، لە خاڵی پشکنینی #دێگەڵە# ڕێگرییان لێ کرا.پاشان کاتژمێر 05:00 ی ئێوارەی، چەکدارانی پارتی لەبەردەم بازگەکە دەستڕێژی گوللەیان لە ڕێپێوانی گەنجان کرد و دووانیان بریندار بوون.[4]
- لە هۆڵی ڕۆشنبیری لە شاری #سلێمانی# بە بەشداری جەماوەرێکی زۆر و بە دەستپێشخەری ڕێکخراوی ژنانی ئازادی کوردستان-#ڕژاک# یادی شەهید #ڤیان جاف# کرایەوە.[4]
- کونسوڵخانەی ئێران لە #هەولێر# لە ڕاگەیاندراوێکی بەپەلەدا دەڵێت هیچ مەرزێکی نافەرمی نێوان کۆماری ئیسلامی ئێران و عێراق یان هەرێمی کوردستان دانەخراوە و ئاڵوگۆڕ و بازرگانی و هاتوچۆ تیایدا ئاساییە و ئەو سەرچاوانە ڕاستنین کە باس لە داخستنیان دەکەن.[2]
- بە مەبەستی پێکهێنانی ئەنجومەنێکی باڵا بۆ سەرجەم #کاکەییەکان#ی عێراق و هەرێمی کوردستان، ئەمڕۆ لە شاری #هەڵەبجە# کاکەییەکان کۆبوونەوە و بڕیار درا ئەنجومەنێکی باڵای تایبەت بە کاکەییەکان دروستبکرێت، ئەندامێکی بەشداری کۆبونەوەکەش هۆکاری پێکهێنانی ئەو ئەنجومەنە باڵایە بۆ دواڕۆژ ئاشکرا دەکات.[2]
$رۆژئاوای کوردستان$
- وتەبێژی یەکینەکانی پاراستنی گەل #یەپەگە# لە عەفرین ڕاگەیاند، شەڕێکی سەخت لە ناحیەی جندرێس و ڕاجۆ و بلبل لە نێوان شەڕڤانان و سوپای تورکیا دەستیپێکردووە و شەڕڤانان شکستیان بەهێرشێکی سوپای تورکیا لە ناحیەی جندڕێس هێناوە و دەیان کوژراویان لێبەجێ ماوە.[2]
- لە کۆنگرەیەکی ڕۆژنامەوانیدا لە شارۆچکەی عەین عیسای سەر بە ناوچەی گرێسپی، ڕیدور خەلیل، بەرپرسی گشتیی پەیوەندییەکانی هێزەکانی سوریای دیموکراتهەسەدە، ئاماری شەڕ و بۆردوومانەکانی لەماوەی ئەم هەفتەیەدا لە عەفرین ڕایگەیاند، کە لەماوەی هەفتەی ڕابردوودا، 473 سەربازی سوپای تورکیا و چەکدارە هاوپەیمانەکانی سەر بەو وڵاتە کوژراون.[2]
- لەدرێژەی هێرشە بەردەوامەکانی بۆ سەر عەفرین، سوپای تورک شارۆچکەی ڕاجۆ لە عەفرین تۆپباران دەکات.[4]

$باکووری کوردستان$
- لە باکووری کوردستان و لە تورکیا لەسەر پاڵپشتی عەفرین و دژایەتی هێرشی سوپای تورکیا بۆ سەر ئەو شارە سەدان کەس دەستبەسەرکراون، یەک لە گیراوەکان بەرپرسی سەندیکای پزیشکانە. [3]
- ناوەندی ڕاگەیاندی #هەپەگە# کوژرانی دوو سەرباز و برینداربوونی دوو سەربازی دیکەی لە #شەمزینان#ی باکوری کوردستان ڕاگەیاند.[2]
$رۆژهەڵاتی کوردستان$
- 24 ڕێکخراوی کۆمەڵگای مەدەنی و بەبڵاکردنەوەی ڕاگەیەندراوێکی هاوبەش داواین کرد، کە سزای سێدارەی #ڕامین حسێن پەناهی# لاببرێت، لەلایەکی دیکەوە 1589 چالاکوانی مەدەنی نامەیەکیان واژۆکردووە هەر بەو مەبەستە.[2]
- چالاکێکی مەدەنی خەڵکی شاری #کرماشان# بە ناوی #سەعید ئیقباڵی# بە فڕۆکە لە شاری کرماشانەوە بۆ بەندی 209ی زیندانی ئێڤین گوازرایەوە.[4]
- هاووڵاتییەکی کورد بە ناوی ئازاد ڕۆستەمی خەڵکی گوندیتەوریوەر سەر بە شاری #سنە#، لەلایەن هێزە ئیتلاعاتییەکانەوە دەسبەسەر و بۆ شوێنێکی نادیار ڕاگوێزرا.[4]
$باشووری کوردستان$
- بەهۆی داخستنی مەرزی پشتە لە سنوری #بەمۆ# لە لایەن حکومەتی عێراقەوە شۆفێرانی ئه و مەرزە خۆپیشاندانیان دەستپێکرد و ڕێگای نێوان #کەلار# و #سلێمانی#یان داخست و ئیدارەی شارەدێیەکەش خۆپیشاندانەکە بە بێ ئەنجام ناودەبات.[1]
- #گەنجانی وڵاتپارێزی کوردستان# باس لەوە دەکەن، کە سەرەڕای هێرش و ئاستەنگییەکانی پارتی، درێژە بە ڕێپێوانەکەیان بەرەو عەفرین دەدەن.[2]
- ڕێکخراوی ئینەف (Enough) بۆ بەرگریی لە مافی مرۆڤ و ئازادیی ڕۆژنامەگەریی و چەند چین و توێژێکی جیاواز لە باشوری کوردستان، کەمپەینێکی واژۆ کۆکردنەوەیان بۆدەرکردنی سوپای تورک لە باشور ڕاگەیاند.[2]
- لە کۆنگرەیەکی ڕۆژنامەوانیدا، ئەمڕۆ (بزوتنەوەی ئازادی و سەربەخۆیی کوردستان) ڕاگەیەندرا، کە بزوتنەوەیەکی سیاسییە و باکگراوەندێکی چەپی هەیە.[5]
$رۆژئاوای کوردستان$
- ئۆپراسیۆنی تورکیا لەعەفرین بۆ ڕۆژی 15مین بەردەوامە و لەبەرامبەردا شەڕڤانانی #یەپەگە# و هەسەدە هێرشی پێچەوانە ئەنجامدەدەن و لە شارەدێی بلبل 11 ئەندامی گروپە چەکدارە هاوپەیمانەکانی تورکیا کوژراون.[1]
- سوپای تورک گوندی حەج حەسنای سەربە شارۆچکەی شییەی کانتۆنی #عەفرین# کاتیوشاباران دەکات.[2]
- لە ڕاگەیێندراوێکدا ئیئتیلافی ئۆپۆزیسیۆنی سووریا، کە لەدوای شێواندن و سووکایەتی بە تەرمی #بارین کۆبانی#، کچە شەڕڤانی یەپەگە بڵاویکردووەتەوە، سەرکۆنەی کردەوەکە و هەموو ئەو کەسانە دەکات کە دەستیان لە پێشێلکارییەکەدا هەبووە.[3]
- شەڕڤانانی #یەپەژە#، تانکێکی دیکەی سوپای تورکیان لە نزیک شارۆچکەی بلبلێ-ی سەر بە عەفرین تێکشکاند.[2]
- سوپای تورکیا لە چوارچێوەی ئۆپەراسیۆنی (چڵە زەیتوون) بۆ سەر عەفرین، لە ماڵپەڕی فەرمیی خۆیدا کوژرانی 3 سەربازی دیکەی ڕاگەیاند.[3]
- سەرۆک ئەرکانی سوپای تورکیا لە چوارچێوەی ئۆپەراسیۆنی (چڵە زەیتوون) بۆ سەر عەفرین، کوژرانی 5 سەربازی وڵاتەکەی لە پێکدادانەکانی ئەمڕۆدا ڕاگەیاند. هەر ئەمڕۆ کوژرانی سێ سەربازی دیکەش ڕاگەیێندرابوو.[3]
$دەرەوەی کوردستان$
- ئیبراهیم جەعفەری، وەزیری دەرەوەی عێراق لە میانی لێدوانێکی ڕۆژنامەوانیدا لەگەڵ تەلەفیزیۆنی ڕەسمی سوریا وتی، عێراق هەر دەستێوەردانێکی دەوڵەتێکی بیانی بۆسەر وڵاتێکی دیکە ڕەتدەکاتەوە، وتیشی ئەوە سراتیجییەتێکی نەگۆڕە. جەعفەری ئاماژەی بەوەشکرد هەروەک چۆن لە پەیوەندیمان لەگەڵ تورکیادا پابەندبووین بە ڕەتکردنەوەی دەستێوەردان لە #باشیک#. بەهەمانشێوە ئۆپراسیۆنی #چڵە زەیتوون#ی تورکيا بۆ سەر عەفرین ڕەتدەکەينەوە. [1]

$رۆژهەڵاتی کوردستان$
- هاووڵاتییەکی کورد، بە ناوی میلاد دلارا خەڵکی #سەقز#، لە لایەن دادگای ئینقلابی ئەو شارەوە بە 15 مانگ زیندان مەحکووم کرا. ئەم هاووڵاتییە کوردە تۆمەتی بەشداری کردن لە پشتیوانیی گشتپرسی بۆ سەربەخۆیی کوردستان و تێکدانی ئاساییشی گشتی خراوەتە پاڵی.[5]
$باشووری کوردستان$
- کاتژمێر 12:50 خولەکی شەوی ڕابردوو، #بومەلەرزە#یەکی بەهێز شارۆچکەی #سۆران#ی هەژاند، بومەلەرزەکە هیچ زیانی بەدواوە نەبووە.[1]
- بەهۆی نیگەرانیان لەسیستمی پاشەکەوتی #مووچە# و پێنەدانی لەکاتی خۆیدا مامۆستایانی سنوری پەروەردەی #کۆیە# بایکۆتی پڕۆسەی خوێندنیان کرد و زیاتر لە 200 خوێندنگە خوێندکارانیان ناردوەتەوە ماڵەوە.[2]
- سکرتارییەتی #حیزبی دیموکراتی کوردستان#ی ئێران (#حدکا#) لە ڕاگەیێندراوێکدا ڕەتیدەکاتەوە پێشمەرگەکانی ئەوان لە گرژییەکەی ڕۆژی هەینی بازگەی #دێگەڵە# دەستوەردانیان کردبێت و دەڵێ هەندێک کەس و ڕاگەیاندن هەوڵدەدەن بە مەبەستی سیاسی دیاریکراو، حیزبی دیموکرات تێوەبگلێنن.[4]
- ئەمڕۆ، بەمەبەستی دامەزراندنیان نزیکەی 200 کەس لە دەرچووە یەکەمەکانی زانکۆ و پەیمانگاکانی هەرێمی کوردستان لەبەردەم #وەزارەتی خوێندنی باڵا# و توێژینەوەی زانستی خکومەتی هەرێم-دا خۆپیشاندانێکیان ئەنجامدا.[3]
- سەدان گەنجی ئێزدی بە مەبەستی پشتگیریکردنی بەرخۆدانی سەردەم لە عەفرین، لە #شنگال#ەوە بەرەو ئەو کانتۆنە بەرێکەوتن.[3]
- #نێچیرڤان بارزانی# سەرۆکی حکومەتی هەرێمی کوردستان لەگەڵ یان کۆبیچ نوێنەری #نەتەوە یەکگرتووەکان# لە عێراق کۆبووەوە و پرسی دانوستانی نێوان #هەولێر# و بەغدایان تاوتوێکرد بۆ چارەسەری کێشەکانی نێوانیان.[2]
- ژمارەیەک چەکداری نەناسراو لە شارەدێی سەعدیەی سەر بە شارۆچکەی #خانەقین# موختارێکیان کوشت. ناوی خالد فەرحان-ە و بەڕەگەز عەرەبە و موختاری گوندەکانی باشوری شارەدێی سەعدییە بووە.[3]
- لە شاری #سلێمانی# ژنێکی تەمەن 29 ساڵ و لە #ڕانیە#ش کچێکی تەمەن 17 ساڵ کۆتاییان بە ژیانی خۆیان هێنا، هۆکاری هەردوو ڕووداوەکەش بە نەزانراوی ماوەتەوە.[4]
$رۆژئاوای کوردستان$
- ڕێپێوانی شکۆداری گەلانی #عەفرین# بە دروشمی بە ئیرادەی گەل هێرشی تورکیا و چەتەکانی بۆ سەر عەفرین تێکدەشکێنین دەستیپێکرد.[3]
- جێگری سەرۆکوەزیرانی تورکیا ئاشکرایدەکات، دوای عەفرین ئامانجیان منبج و ڕۆژهەڵاتی فوراتە و دەشڵێت ئه و سەربازە ئەمریکیانەی جلوبەرگی یەپەگەیان پۆشیوە دەکرێنە ئامانج. [4]
- سوپای تورکیا دەستی بە تۆپبارانکردنی ژمارەیەک گوندی سنوری هەردوو شارۆچکەی ماباتا و ڕاجۆ-ی سەر بە عەفرین کرد.[3]

$باکووری کوردستان$
- لە پارێزگای #وان#، پاسێکی نەفەرهەڵگر بەهۆی بەستنی ڕێگاوبان کۆنترۆڵی لەدەستدا و وەرگەڕا. لە ڕووداوەکەدا دوو کەس گیانیان لەدەستدا و 22 ی دیکەش برینداربوون.[3]
$باشووری کوردستان$
- بەهۆی خەرجنەکردنی پارەی گەنمی ساڵانی ڕابردوو لەلایەن حکومەتی عێراقەوە، بەشێک لە جوتیارانی سنوری پارێزگای #هەڵەبجە# گردبوونەوە و داوای خەرجکردنی پارەی گەنمەکانیان کرد.[1]
- کۆبوونەوەی پەرلەمانی عێراق دەستیپێکرد و پەرلەمانتارانی کورد باکۆتی دانیشتنەکەیان کرد بەهۆری هەوڵی سەرۆکی پەرلەمان بۆ دەنگدان لەسەر پرسی تاوتوێی #بودجە#ی 2018 بەبێ جێکردنەوەی داواکارییەکانی کورد لەو پڕۆژەیاسایەدا.[2]
- دادگای باڵای فیدراڵی عێراق وەڵامی تانەیەکی ئەنجومەنی پارێزگای #کەرکووک#ی دایەوە کە سەبارەت بە هەڵکردنی #ئاڵای کوردستان# لە فەرمانگە حکومییەکانی کەرکووک پێشکەشیکرابوو، جەختیشیکردەوە کە ئەوە لەچوارچێوەی تایبەتمەندی دادگاکەیاندا نییە.[2]
- لەکۆبوونەوەی هاوپەیمانی بۆ دیموکراسی و دادپەروەری لە سلێمانی 15 ئەندام وەک ئەنجومەنی بەڕێوەبردنی ئه و حزبە بە زۆرینەی دەنگ هەڵبژێردران.[2]
- #دەزگای خێرخوازیی بارزانی# بە بەشداری دەیان بەرپرسی حیزبی و حکومی و کونسوڵخانە و کۆمپانیا و دامەزراوە یەکەمین کۆنفرانسی ساڵانەی سازکرد و تێیدا کۆی کار و چالاکییەکانی لە ساڵی 2017 دا خستنەڕوو.[3]
- خاوەنی موەلیدە ئەهلییەکانی شاری #سلێمانی# بڕیاریانداوە بەهۆی جیاوازی نرخ و جێبەجێنەکردنی داواکاریەکانیانەوە، لە ئەمڕۆوە، کارەبای موەلیدە لە سەرجەم هاوڵاتیانی شارەکە بکوژێنەوە.[2]
$رۆژئاوای کوردستان$
- شەوی ڕابردوو، هێزەکانی سوپای تورک هێرشیان کردە سەر گوندەکانی سەربە شارۆچکەی شییەی کانتۆنی #عەفرین#، شەرڤانان بەتووندی وەڵامیان دانەوە. لە ئەنجامی بەرخۆدانی شەوێ ڕابردووی شەڕڤاناندا، هەشت سەرباز و چەتەی سەربە سوپای تورک کوژران و لاشەکانیان کەوتە دەستی شەڕڤانانەوە.[1]
- تۆپیخانەکانی تورکیا بەچڕی گوندەکانی معەسکەرە و زیتوناک و سعرنجکەی لە ناوچەی شەرا لە سنوری هەرێمی عەفرینی ڕۆژئاوای کوردستانیان بۆردومانکرد و قوربانی لێکەوتووەتەوە.[2]
- ڕۆژنامەیەکی تورکی ئاشکرایکرد بڵاوبونەوەی گرتەڤیدیۆییەکی نوێ کە لە شاری #قامیشلۆ# تۆمار کراوە دەریدەخات کە ئەمریکا زریپۆش و هاوکاری سەربازیی زیاتر ڕەوانەی #یەپەگە# دەکات.[2]
- سەدان هاوڵاتی شاری منبیج بۆ ئەوەی بەشداری کاروانی هاوڵاتیانی #جزیرە#، #حەسەکە#، #کۆبانێ# و #شەنگال# بن، لە بەشی ڕۆژهەڵاتی شاری منبیج گردبوونەوە.[1]
- هێزەکانی سوپای تورک ناوەندی شاری جندرێسی سەربە کانتۆنی عەفرین تۆپباران دەکەن.[1]
- فەرماندەیی هێزەکانی سوریای دیموکرات ڕایگەیاند، کە لە ئەنجامی بەرخۆدانی چەند ڕۆژەی شەڕڤانان، گوندی شێخۆرز و گردەکانی دەوروبەری لە هێزەکانی سوپای تورک پاککرانەوە.[1]
- بۆ جاری دووەم، سوپای تورک گۆرستانی شەهید سەیدۆ-ی لە شارۆچکەی جندرێس-ی سەر بە عەفرین بۆردوومانکرد.[1]
$دەرەوەی کوردستان$
- پۆلیسی ئیتالیا هێرشی کردە سەر خۆپیشاندەرانی کورد و چالاکوانانی ئیتالی کە لە دژی چوونی #ئەردۆگان# بۆ لای پاپا فرانسیس لە بەر دەم کۆشکی سەن ئانجێلۆی ڕۆما گردبوونەوەو هێرشەکانی تورکیان بۆسەر عەفرین شەرمەزارد.[1]
- بەهرام قاسمی، گوتەبێژی وەزارەتی دەرەوەی ئێران ڕایگەیاند: پێویستە تورکیا ئۆپەراسیۆنە سەربازییەکانی لە عەفرین بووەستێنێت و لەوبارەیەوە چاوێک بە هەڵوێستەکانیدا بخشێنێتەوە.[3]
- لە تارانی پایتەختی ئێران، کەمپەینێک لەلایەن 600 هونەرمەندانی ئێرانیەوە دەستپێکرا بۆ پشتگیریی عەفرین و شەرمەزارکردنی هێرشەکانی سوپای تورک، کەمپیەینەکەش بەردەوامیی هەیە.[1]

$باکووری کوردستان$
- لە 60 گوند و ناوچەی #ئامەد# قەدەخەی هاتووچۆ ڕاگەیێندرا.[3]
- #فاتمەگوڵ دەمیرتاغ#، هاوسەرۆکی لقی مێرسینی #هەدەپە# لە لایەن هێزەکانی پۆلیسی تورکەوە دەستگیرکرا.[4]
- دوای ئەوەی لە مانگی 10 ی ساڵی ڕابردوودا، دادگای دیلۆک سزای زیندانیکردنی بەسەر #فەرهاد ئەنجو#، پەرلەمانتاری #شرناخ#ی پارتی دیموکراتی گەلان-هەدەپە-دا سەپاندبوو، ئەمڕۆ نووسراوی وەرگرتنەوەی مافی پەرلەمانتاریی لە ئەنجوو لە دانیشتنی پەرلەمانی تورکیادا خوێندرایەوە.[4]
$باشووری کوردستان$
- بەشێک لە مامۆستایانی #سلێمانی# خۆپیشاندانیان دەستپێکرد دژ بە دواکەوتنی موچەکانیان.[1]
- بەڕێوەبەری گشتی کەشناسی و #بومەلەرزە#زانی هەرێم ڕایدەگەیەنێت شەوی ڕابردوو تا بەرەبەیانی ئەمڕۆ، زیاتر لە 20 بومەلەرزە لە سلێمانی و دەوروبەری تۆمارکراوە.[1]
- بەپێی ڕاگەیەنراوێکی #وەزارەتی پێشمەرگە#، ئەمریکا بەردەوامدەبێت لە ڕاوێژی سەربازیی و مەشقکردن بە هێزەکانی پێشمەرگە لە ساڵی 2018.[2]
- دەستەی سەرپەرشتی مامۆستایان لە سنوری پەروەردەی #چۆمان#ی دەڤەری باڵەکایەتی پارێزگای هەولێر بەفەرمی بۆ ماوەی یەک هەفتەی بایکۆتی خوێندنیان ڕاگەیاند داواکاریەکانیشیان بۆ شکاندنی بایکۆت ئاشکراکرد.[2]
- مامۆستایەکی زانکۆ لە #کەرکووک# کوژرا. نێوبراو ناوی عەلی یەڵماز کوشتووە بوو و خەڵکی شارەدێی بەشیری سەر بە #خورماتوو# بووە. [1]
- لەناو بازاڕی شارۆچکەی #ڕانیە# هاوڵاتییەک بەر دەستڕێژی گوللە درا و گیانی لەدەستدا، پۆلیسیش ڕایدەگەیەنێت، کە بکوژەکە خۆی ڕادەستکردووە و هۆکاری ڕووداوەکە کێشەیەکی کۆمەڵایەتیی بووە.[4]
$رۆژئاوای کوردستان$
- شەوی ڕابردوو #شەڕڤان#انی هێزەکانی سوریای دیموکرات لە چەندین شوێن لە دژی سوپای تورک چالاکییان ئەنجامدا و لە ئەنجامی ئەو چالاکییانەدا 59 سەربازی تورک کوژران.[4]
- لە ئەنجامی شەڕێکدا کە لە شەوی ڕابردووەوە تا سەرلەبەیانیی ئەمڕۆی خایەند، گوندی حەج بلێلی سەربە شارۆچکەی شییەی کانتۆنی عەفرین لە سوپای تورک و چەتەکانی پاککرایەوە.[4]
- ئەردۆغان داوا لەهێزەکانی ئەمریکا دەکات منبج چۆڵ بکەن.[1]
- #نەتەوە یەکگرتووەکان# ئەمڕۆ، داوای وەستانی بەپەلەی شەڕ و پێکدادانەکان لە سوریا دەکات.[1]
- دوانیوەڕۆی ئەمڕۆ، شەڕڤانانی هێزەکانی سوریای دیموکرات-قەسەدە، لە دەوروبەری گوندی حەمامێ-ی سەر بە شارۆچکەی جندرێس لە عەفرین، ئۆتۆمبێلێکی سەربازیی سوپای تورکیان تەقاندەوە.[4]
$دەرەوەی کوردستان$
- ئاژانسی نیشتمانی تاوان لە بەریتانیا (NCA) ڕایگەیاند، ئەمڕۆ ئۆپەراسیۆنێکی گەورەیان دژی تۆڕێکی گومانلێکراوی تاوان ئەنجامداوە، کە تۆمەتبارن بە هێنانی سەتان کوردی عێراق بەڕێگەی قاچاخ بۆ بەریتانیا. ئەفسەرانی ئەو دامەزراوە ئەمنییەی بەریتانیا بە هاوکاری چەند دەزگایەکی ئەمنی دیکەی وەک پۆلیس، توانیویانە 21 گومانلێکراو، کە بە ڕەگەز کوردن، لە چەند شوێنێکی لەندەن دەستگیربکەن.[3]
- پەڕڵەمانی سوید لەسەر داوای 4 پەڕڵەمانتار وەزیری دەرەوەی سویدی بانگکرد بۆ پەڕڵەمان تاوەکو لەسەر لەشکرکێشیی تورک بۆسەر عەفرین هەڵوێست وەربگرێت.[1]

$رۆژهەڵاتی کوردستان$
- کونسوڵخانەی ئێران لە #هەولێر# لە ڕاگەیێندراوێکدا هەواڵی کرانەوەی سێ بازاڕچەی سنووریی #کێلێ#، #سەیرانبەن# و #شۆشمێ#ی لەنێوان ڕۆژهەڵات و باشووری کوردستان ڕاگەیاند.[3]
$باشووری کوردستان$
- کاتژمێر 7ی بەیانی ئۆپەراسیۆنی هێزە سەربازییەکانی عێراق لە سنووری #خورماتوو# بۆ کۆنتڕۆڵکردنەوەی ناوچەکانی دەوروبەری شارۆچکەکە لەپاشماوەکانی #داعش# دەستیپێکرد.[1]
- فەرماندەیی ئۆپەراسیۆنە هاوبەشەکانی عێراق دوای 8 کاژێر ڕاگەیێندراوێکدا ئاماری ئۆپەراسیۆنەکەی سنووری خورماتووی بڵاوکردەوە و ڕایگەیاند، 50 پێگەی داعش لەنێوبراون و 6 ئۆتۆمبێلیشیان کراونەتە ئامانج. ئاماژەی بەوەش کرد کە فڕۆکەکانی هاوپەیمانان لە ئۆپەراسیۆنەکەدا بەشداربوون و پێگەکانی داعشیان لە چیای حەمرین بۆردوومانکردووە.[3]
- ئامانج عەبدولڕەزاق، بەرپرسی کۆمیتەی #جەبارە#ی #یەکێتی نیشتیمانی کوردستان#، ڕایگەیاند: هێزێکی #حەشدی شەعبی# لە گوندی ساری گوێل سەر بە شارەدێی جەبارە، هەڵمەتێکی گەڕان و پشکنینیان ئەنجامداوە و ژمارەیەک چەکی کڵاشینکۆفیان بردووە، کە هی ئەندامانی هێزەکانی ئاسایش و پۆلیس و پێشمەرگە و هاوڵاتی ئاسایین. وتیشی: هێزەکانی حەشدی شەعبی بڕی 100 هەزار دینار و دوو مۆبایلیان لە دوو گەنج بە زۆر سەندووە و بردوویانە. ناوبراو باسی لەوەشکرد: چەکدارەکانی حەشدی شەعبی سوکایەتیان بە دانیشتوانی گوندەکە کردووە و قسەی نەشیاویان پێووتون.[2]
- گروپی دەنگی شەقام، بە مەبەستی پێشکەشکردنی داواکارییەک بۆ دەرکردنی سوپای تورکیا و ئێران، لە هەرێمی کوردستان سەردانی نوسینگەی #سلێمانی# ئەنجومەنی نوێنەرانی عێراق -یان کرد، دواتر کونگرەیەکی ڕۆژنامەنووسییان ئەنجامدا.[2]
- وتەبێژی ئەنجومەنی کۆمسیاران لە کۆمسیۆنی باڵای سەربەخۆی هەڵبژاردن و ڕاپرسی هەرێم دەڵێت لە 80%ی لیستی تۆماری دەنگدەران پاککراوەتەوە و حکومەتی هەرێمیش بڕیاریدا بە سێ بەش بودجەی پێویست بۆ کۆمسیۆن دابینبکات.[4]
- ڕۆژنامەی واشنتن تایمز لە بابەتێکیدا نووسیویەتی، #نێچیرڤان بارزانی# بە ژیریی و دیپلۆماسییەتی خۆی توانی ڕێگری لە شەڕێکی خوێناوی لە عێراق بکات، کە کارەساتێکی گەورەی مرۆیی بەدوای خۆیدا دەهێنا، بۆیەش ئەو شایەنی وەرگرتنی خەڵاتی نۆبڵە بۆ ئاشتی.[3]
- #ئارام شێخ محەمەد# جێگری سەرۆکی پەرلەمانی عێراق ڕایگەیاند بڕیارەکەی سەلیم جبوری سەرۆکی پەرلەمان سەبارەت بە باسکردنی هەڵوەشاندنەوەی ئەندامێتی سێ پەرلەمانتاری کورد نایاساییە‌ و داواشی لێدەکات بڕیارەکەی هەڵبوەشێنێتەوە.[4]
$رۆژئاوای کوردستان$
- #یەپەگە#، داگیرکەری تورک بەوە تاوانباردەکات کە لە هێرشەکانیدا بۆسەر #عەفرین# چەکی کیمیایی بەکاردەهێنێت.[1]
- ژان ئیڤ لۆ دریان، وەزیری دەرەوەی فەرەنسا دەڵێت، کە هێرشی تورکیا بۆ سەر عەفرین پێشێلکردنی مافە نێودەوڵەتییەکانە.[2]
- تۆپخانەکانی سوپای تورک گوندی کەفەر سەفرا و گوندی بافلورو گۆڕستانی شەهید سەیدۆ-ی سەر بە شارۆچکەی جندرێسی کانتۆنی عەفرین تۆپبارن دەکەن.[2]
- پڕۆژەی ئاوی خواردنەوەی کانتۆنی عەفرین لەلایەن تۆپخانەکانی تورکیاوە کرایە ئامانج و جندرێس و گۆڕستانی شەهید سەیدویش بەچڕیی تۆپبارانکران.[4]
- دوای پێکدادانە سەختەکانی ئەمڕۆی نێوان سوپای تورکیا و هێزەکانی یەپەگە لە گوندی شێخورزێی شارەدێی بلبلێ، ئێوارەی ئەمڕۆ ژمارەیەکی زۆر لە بریندارەکانی سوپای تورکیا و هێزەکانی سوپای ئازادی سووریا گەیێندرانە نەخۆشخانەکانی کیلیس.[3]

$باکووری کوردستان$
- بەگوێرەی ڕاگەیەندراوێکی پارتی دیموکراتی گەلان- #هەدەپە#، #پەروین بولدان# و سەزای تەمەللیی وەک کاندیدەکان بۆ هاوسەرکایەتیی گشتیی پارتییەکە ڕاگەیاندراون.[1]
- ئەمڕۆ، دادگا بڕیاری گرتنی بۆ #محەمەد ئەرسەلان#، هاوسەرۆکی #پارتی هەرێمە دیموکراتییەکان# - دەبەپە دەرکرد و ڕەوانەی زیندان کرا.[1]
$باشووری کوردستان$
- کاتژمێر 9:00 دەوڵەتی تورک لە تۆپخانەی چەلێ-ی سەر بە شاری #جۆلەمێرگ#-ی باکوری کوردستانەوە دەستی بە تۆپبارانکردنی هەرێمی زاپ-ی سەر بە هەرێمی #بادینان#ی هەرێمەکانی پاراستنی مەدیا کرد.[1]
- ڕێکخراوی پێکەوە ژیان، سەبارەت بە هێرشەکانی سەر عەفرین یاداشتێکیان ئاڕاستەی نوێنەری #نەتەوە یەکگرتووەکان# لە شاری سلێمانی کرد.[1]
- ژمارەیەک لە هاوڵاتیانی #هەولێر# و کوردانی ڕۆژئاوای کوردستان گردبوونەوەیەکیان لەبەردەم بارەگای نەتەوە یەکگرتووەکان لە شاری هەولێر ئەنجامداو داوایانکرد، کە نەتەوە یەکگرتووەکان بەدەم عەفرینەوە بچێت.[1]
- کاتژمێر 03:00 ی دوانیوەڕۆی ئەمڕۆ، لە شارۆچکەی #کۆیە#ی سەر بە شاری هەولێر، چلەی شەهید مامۆستا #هێرش عومەر#، ئەو مامۆستایەی کە لە خۆپیشاندنەکانی کۆتایی ساڵی بڕابردوو-دا لە شارۆچکەی کۆیە شەهیدبوو، بەڕێوەچوو.[1]
- لە گەڕەکی بەختیاری #خانەقین#، دەستڕێژی گوللە کرایە سەر دووکانێک، بەهۆیەوە حەوت کەس کوژراون و سێ کەسی دیکەش بریندارن. [3]
- بەڕێوبەری ڕاگەیاندن و هۆشیاری #وەزارەتی پێشمەرگە#، ڕایدەگەیەنێت ڕێکخراوی هاوپەیمانێتی باکووری ئەتڵەسی (ناتۆ) سەرپەرشتی ڕێکخستنەوەی پەیەکەربەندی کۆی وەزارەتی پێشمەرگە دەکات لەڕێی پاکێجێکی پێنج خاڵی کە تایبەتە بە چاکسازی.[2]
- وەزارەتی نەوتی عێراق ئاشکرايدەکات، ئەمڕۆ گرێبەستی دامەزراندنی پاڵاوگەیەکی نەوتی لە #کەرکووک# بەشێوەی وەبەرهێنان واژۆکرد، کە توانای بەرهەمهێنانی 70 هەزار بەرمیلی هەیە لە ڕۆژێکدا.[2]
$رۆژئاوای کوردستان$
- لە گوندی کەڤریکەڕ سەربە ناوچەی ڕاجۆ لە #عەفرین# شەڕێکی سەخت لەنێوان شەڕڤانانی هێزەکانی سوریای دیموکرات و سوپای تورک و چەتەکانی سەربە تورکیا ڕوودەدات.[1]
- لە 20ەمین ڕۆژی هێرسی سوپای تورک بۆ سەر عەفریندا، تۆپخانەکانی سوپای تورک و چەتەکانی بەردەوامن لە تۆپبارانکردنی شارۆچکەی شییە کە دەیان هەزار هاوڵاتیی تێدا دەژی.[1]
- تورکیا ئەندامانی گروپی #داعش# بەکاردەهێنێت بۆ بەشداریکردن لە هێرشەکانیدا بۆ سەر هەرێمی عەفرینی ڕۆژئاوای کوردستان ئەوەش بەپێی ڕاپۆرتێک کە ڕۆژنامەی ئندیپێندنتی بریتانی بڵاویکردووەتەوە. ڕۆژنامەکە لە ژمارەی ئەمڕۆیدا بڵاویکردووەتەوە سوپای تورکیا مەشقی سەربازیی بە ژمارەیەک ئەندامی پێشوی گروپی داعش کردووە بۆ ئەوەی بەشداریی بکەن لە هێرشەکانیدا بۆ سەر عەفرین.[2]
- وتەبێژی یەپەگە ڕایگەیاند، لە 24 کاتژمێری ڕابردوودا لە گوندی شیخورد 27 سەربازی تورکیا لەلایەن شەڕڤانانەوە کوژراون.[2]

$باکووری کوردستان$
- بڕیاری دەستگیرکردن بۆ #سەرپیل کەمال بای#، هاوسەرۆکی گشتیی #هەدەپە# دەرکرا.[1]
- گەریلاکانی هێزەکانی پاراستنی گەل- #هەپەگە#، لە دژی چوار پێگەی سوپای تورک لە چەلێی سەربە #جولەمێرگ# چالاکییان ئەنجامداوەو تێیدا سێ سەرباز کوژراون.[3]
$رۆژهەڵاتی کوردستان$
- لەم هەفتەیەدا، لاوێکی کورد بە ناوییوونس کازم زادە خەڵکی شاری مەلەکشای #ئیلام# لە ناوچەی سنووریی شاری مێهران بە هۆی تەقینەوەی مین، دەستبەجێ گیانی لە دەست دا.[4]
$باشووری کوردستان$
- شەوی ڕابردوو هێرشکرایە سەر ماڵی #مەلا سامان سەنگاوی# لە گەڕەکی #وڵوبە# لە شاری #سلێمانی# و لە سێ لاوە جامی ئۆتۆمبێلەکەی شکێندرا.[3]
- نیوەڕۆی ئەمرۆ، لە (سەکۆی ئازاد)ی ناو #پارکی ئازادی# شاری سلێمانی، بە پێشنوێژیی و وتارخوێندنەوەی مەلا سامان سەنگاوی، نوێژی سەرکەوتنی عەفرین بەڕێوەچوو.[3]
- لە نزیک فڕۆکەخانەی #بامەڕنێ#-ی سەر بە #ئامێدی# لە پارێزگای #دهۆک# لە ئەنجامی تەقینەوەی بۆمبێکی پاشماوەی هێزە ئەمریکیەکان کەسێک گیانی لە دەستدا و یەکێکی تریش برینداربوو.[2]
$رۆژئاوای کوردستان$
- شەوی ڕابردوو فڕۆکە جەنگییەکانی سوپای تورک ناوچەکانی شەڕا و شێراوا و بلبل و جندرێس-یان لە سنوری #عەفرین# بۆردوومان کرد.[1]
- فڕۆکە جەنگییەکانی دەوڵەتی تورک گەڕەکەکانی ئەشرەفیە و مەحمودییە و قیبار-یان لە شاری عەفرین بۆردوومان کرد.[1]
- وەزیری دەرەوەی فڕەنسا ڕایدەگەیەنێت هەرچی زووە دەبێت بۆردوومانی تورکیا بۆ سەر شاری عەفرین بوەستێت و ڕێگە بدرێت ڕێڕەوی ئارام دروستبکرێت بۆ یارمەتیدانی قوربانیان.[2]
- لە دەوروبەری جندرێس شەڕێکی قورس لەنێوان شەڕڤانانی هێزەکانی سوریای دیموکرات و سوپای تورک چەتەکانی سەربە تورکیا بەڕێوەدەچێت.[3]
- شەوی ڕابردوو فڕۆکە جەنگییەکانی سوپای تورک دوو بنکەی سەربڕینی ئاژەڵ و مریشکیان لە باشوری ڕۆژئاوای شاری عەفرین کردە ئامانج و وێرانیان کرد. لە بۆردوومانەکەدا زیاتر لە 15 سەر مەڕ-یش مرداربوونەوە.[3]
- پاشنیوەڕۆی ئەمڕۆ، لە سنووری گوندی حەج بلیل-ی سەربە شارەدێی شیە-ی کانتۆنی عەفرین، شەڕێکی قورس دروست بوو. سەرچاوە خۆجێیەکان لە ناوچەکە ئاماژە بە زانیارییە سەرەتاییەکان دەکەن کە بریتییە لە کوژرانی 25 چەکداری سوپای تورک و چەتەکانی سەر بە تورکیا.[3]
- ژمارەیەک فرۆکەی جەنگیی سەربە سوپای تورک، هەردوو گوندی (شکفتە) و (ترمشا)ی سەربە شارەدێی شیە-ی سەر بە کانتۆنی عەفرینیان بۆمباران کرد.[3]
- فڕۆکە جەنگییەکانی گوندی شکاتی سەربە شارۆچکەی شییەی بۆردومان کرد و ماڵی هاوڵاتیانی مەدەنیی بە سەردا ڕووخاند. پاش بۆردومانەکە هاوڵاتیانی گوندەکە خۆیان گەیاندە شوێنی بۆردومانەکە و توانیان تەرمی #نوسرەت عوسمان#ی تەمەن 50 ساڵیان لە ژێر ڕووخاوەکاندا بهێننە دەرەوە و ڕەوانەی نەخۆشخانەیان کرد. ڕاگەیەندراوە، کە ژمارەی ئەو هاوڵاتیانەی لە ئەنجامی بۆردومانەکەدا شەهید بوون سێ بۆ چوار کەسە، بەڵام تەرمەکانیان جارێ نەدۆزراونەتەوە.[3]
- لە دانیشتنی ئەنجومەنی سێنای فەرەنسادا، 39 سێناتۆر کە 17یان سێناتۆری فراکسیۆنی حزبی سۆسیالیستی فەرەنسا بوون بانگەوازییان لە حکومەتی فەرەنسا کرد، کە لە دژی هێرشی تورکیا بۆ سەر عەفرین بوەستنەوە.[3]