لە دایک بووی ساڵی 1963ی زایینی ماوەی 30 ساڵە لە گۆڕەپانی هونەری نەققاشیدا چالاکە و لە جیلی دووهەمی هونەرمەندانی نەققاشی کوردستانە.
سەرەتای کاری هونەری لە خزمەت باوەگەورەی واتە جەنابی فەیزوڵا خانی ناهید دەست پێکردوە، کە فەیزوڵا خان خۆی یەکێک لە بنیات نەرانی نەققاشی لە کوردستاندا بووە. هەروەها بەڕێزان مستەفا شێرزاد و موحەممەد ڕۆستەم زادە ناسراو بە (نامۆ) دوو مامۆستای دیکەی کاک ناسر بوون کە لە لایان نەققاشی فێر بووە.
ناسر فەیزوڵڵا بەیگی خاوەن بڕوانامەی نەققاشی لە ناوەندی زانکۆی ڕەسام هونەر و بڕوانامەی فێرکاری لە ناوەندی فەننی و حیرفەیی ئێران وەرگرتووە. دەسپێکی پیشانگاکانی بە بەرپا کردنی پیشانگای چەن کەسی لە ساڵی 1981ی زایینی بە شێوازی ناتۆرالیستی، ئەمپێرسیۆنیستی و ئێکسپێرسیۆنیستی دەست پێ کردووە.
شێوازی کاری ناوبراو ئامانجێکی پێش بینی کراوی نییە کە لە دوای گەیشتن بە مەبەست بتوانێت بە سانایی شاکارێک بخولقێنێ، هونەری ناوبراو و گەڕانی بەردەوامە کە قۆناخ بە قۆناخ بەرەو ئەزموونی زیاتر و تازەگەری هەنگاو دەنێت.
یەکەمین پیشانگای لە ساڵی 1994ی زایینی لە شاری بانە بەرپا کردووە کە لە پاڵ بەرهەمە ئەمپێرسیونیستی و ئێکسپێرسیونیستیەکان سنووقی یارمەتیە سەرەتاییەکان (جعبەی کمکهای اولیە) کە هەنێ کاسێتی موزیکی لە ناودا بوو خستیە بەر دیدەی بینەران و ئەم شێوازەی لە گەڵ شێوازەکانی تر لە پیشانگاکەدا تێکەڵ کرد. (کاک ناسر باوەڕی وایە کە هونەر سەراپا ئەزموون و فێر بوونە و هەستە جۆراوجۆرەکان شێوازی جۆراوجۆر دەخوازێت، هەرچی دەخوازی و هەرچی هەست پێدەکەی سەر ئەنجام دەگەنە یەک شێواز، لە ڕاستیدا هونەرمەند بە کاری خۆیەوە سەرقاڵە و بە ڕەنگ و خەت و فۆڕمی جۆراوجۆر هەست و باوەڕی خۆی دەر دەبڕێت)
شێوەی بیر و ڕامانی پێوەندی بە دەوروبەرو مەسائێلی کۆمەڵگای خۆیەوە هەیە و بە کەڵک وەرگرتن لە بەرهەمی مێشکی خۆی کێشەکانی کۆمەڵایەتی و سیاسی و فەرهەنگی شرۆڤە و بەیان دەکات. لە ساڵی 2002 دا پیشانگایەکی بەرپا کرد کە لە پاڵی بەرهەمە ئەمپێرسیۆنیستیەکانی کە دیمەنی شارەکانی سەقز، بۆکان و بانە بوو چەندین قەفەسی داناو بەم کارەش ئەمپێرسیۆنیست و کانسێپتی تێکەڵ کرد.
لە ساڵی 2003 دا پیشانگایەکی بە بۆنەی ساڵیادی حەڵەبچە بەرپا کرد و لە ئاخرین ڕۆژی پیشانگاکەدا بە نیشانەی ناڕەزایەتی بەشەڕ و خوێن ڕشتن و کوشتاری مرۆڤایەتی بەرهەمی تابلۆکانی ئاور تێ بەردا. کە لەم ڕووداوەدا هەنێ لە حازر بووان بە شێوەی ڕازی یا ناڕازی ڕاوبۆچوونی خۆیان دەربڕی و هەندێکیش کە ئەم هەڵوێستەیان بۆ دەرک نەکرا پێیان وابوو کە هونەرمەند لە هونەرەکەیدا گەیشتۆتە بن بەست و ئەمە لە حاڵێکدایە کە هونەرمەند لە مانگی ئۆکتۆبری هەر ئەو ساڵەدا پیشانگایەکی سەر شەقامی لە ژێر ناوی (ئاوێنە) لە سەر دیوارە ڕووخاوەکانی حەمامی برڵیان لە شەقامی ساحێلی بەرپا کرد.
کاری ئەم پیشانگاش کە چەندین ئاوێنەی لە خۆ گرتبوو لە سەر ئاوێنەکان تەڕاحیەکی سادە کرابوو کە ئەم تەڕاحیە باسی لە بێ ناسنامەیی مرۆڤەکان دەکرد، بە شێوەیەک کە هەر کەس لە ڕووبەڕوی ئەم بەرهەمانەدا ڕادەوەستا ئەو بینەرە خۆی دەبووە بەشێک لە بەرهەمەکە و نەخوازراوانە ئەویش خۆی لە ناو بەرهەمەکاندا دەدیت.
لە مانگی مارشی ساڵی 2004دا لە گوندی قلیچ کە شوێنی لە دایک بوونی ئەم هونەرمەندەیە، بووە میوانداری هونەرمەندان و هونەر دۆستان و چەندین کەس بۆ دیتنی بەرهەمەکانی ناسر فەیزوڵڵابەیگی هاتبوونە گوندی قلیچ و ناوبراو بەرهەمەکانی لە سەر دیواری کاگڵی و مزگەوتی ناودێ خستە بەر دیدەی هۆگران. لە ساڵی 2005دا سەرقەبرانی ئایچی سەقز تابلۆگەلێکیان لە پاڵ خۆیاندا دی کە هیچ نێوانێکیان لە گەڵ مردندا نەبوو، بابەت، فەزا و ڕەنگەکان بە گشتی شاد و زیندوو بوون و......
چالاکی پیشانگای ناسر فەیزوڵڵابەیگی
شاری سەقز پیشانگای هاوبەشی ساڵی 1981
شاری سەقز پیشانگای هاوبەشی ساڵی 1986
شاری سەقز پیشانگای هاوبەشی ساڵی 1988
شاری ورمێ پیشانگای هاو بەشی ساڵی 1988
شاری سنە پیشانگای هاوبەشی ساڵی 1989
شاری ورمێ پیشانگای هاو بەشی ساڵی 1989
شاری مەهاباد پیشانگای هاو بەشی ساڵی 1990
شاری سەقز چوار ڕێیانی ئازادگان ماڵی ئاغای نەقشبەندی ساڵی 1991
شاری سەقز پارکی شار غورفەی ئیدارەی کار کۆنگرەی ڕێز لێنانی مامۆستایان ناهید ساڵی 1992
شاری سەقز موجتەمەعی فەرهەنگی و هونەری (کۆنگرەی ڕێز ڵێنانی مەولەوی کورد) ساڵی 1992
شاری بانە کانوونی پەروەرشی فیکری مناڵان و مێرمناڵان، ساڵی 1992 پیشانگای تاکە کەسی
شاری تاران پیشانگای هاوبەشی ساڵی 1993
شاری سەقز ڕێز لێنانی مامۆستایان ناهید، پیشانگای هاوبەشی ساڵی 1994
شاری بانە باشگای وەرزشی تنیسی سەرمێز پیشانگای هاوبەشی ساڵی 1994
شاری بانە کانوونی پەروەرشی فیکری مناڵان و مێرمناڵان پیشانگای تاکە کەسی ساڵی 1995
شاری بانە پیشانگای هاوبەشی ساڵی 1996
شاری سنە (فەرزانەکانی کورد) پیشانگای هاوبەشی ساڵی 1997
شاری سەقز (ماڵی ئاغای ئادەمی) پیشانگای تاکە کەسی ساڵی 1998
شاری بۆکان دەفتەری موهەندیسی ئاغای چاوباز پیشانگای تاکە کەسی ساڵی 1998
شاری سەقز (موجتەمەعی فەرهەنگی و هونەری) یادوارەی حەڵەبچە - پیشانگای هاوبەشی ساڵی 1999
شاری سەقز پارکی مناڵان (پارک کودک) پیشانگای هاوبەشی ساڵی 2000
شاری تاران یادوارەی حەڵەبچە پیشانگای هاوبەشی ساڵی 2001
شاری سەقز پولی هەوایی (گوڵستانی فەرهەنگ و هونەری موکریان) پیشانگای هاوبەشی ساڵی 2001
شاری سەقز موجتەمەعی فەرهەنگی و هونەری (کۆنگرەی نالی)، پیشانگای چەن کەسی ساڵی 2002
شاری سەقز موجتەمەعی فەرهەنگی هونەری پیشانگای قەفەسەکان پیشانگای تاکە کەسی ساڵی 2002
شاری سەقز موجتەمەعی فەرهەنگی وهونەری (یادمانی حەڵەبچە)، پیشانگای هاوبەشی ساڵی 2002
شاری تاران گالری شەیس پیشانگای تاکەکەسی ساڵی 2003
شاری سەقز ناوەندی ژمارەی 2ی موکریان (یادمانی حەڵەبچە) پیشانگای تاکە کەسی ساڵی 2003
شاری سەقز شەقامی ساحیلی (پیشانگای سەر شەقام) پیشانگای تاکە کەسی ساڵی 2004
شاری سەقز مووزەی شاری سەقز پیشانگای تاکە کەسی ساڵی 2004
شاریئ سەقز شەقامی شوهەدا (ماڵی خۆیان) پیشانگای تاکە کەسی ساڵی 2004
شاری بۆکان گوندی قلیچ پیشانگای تاکە کەسی ساڵی 2005
شاری سەقز شەقامی موعەلیم (کارگای حەجاری وەستا تالێب ساڵحی) پیشانگای تاکە کەسی ساڵی 2005
شاری سەقز گۆڕستانی ئایچی پیشانگای تاکە کەسی ساڵی 2005
شاری سەقز ویدیۆ ئارت پیشانگای تاکە کەسی ساڵی 2005
شاری سەقز کتێب فرۆشی محەمەدی، هەژار، ناوەندی زەردەشت پیشانگای book art ساڵی 2006
شاری سەقز پیشانگای نەققاشی بە شێوەی آنلاین لە سایتی artakurd - پیشانگای هاوبەشی ساڵی 2007
شاری سەقز بێهنێگار (خدمات چاپ بە نگار) پیشانگای تاکە کەسی بە شێوەی بلوتوس ئارت ساڵی 2007
شاری سەقز بازاڕگەی (مجتمع تجاری) ئاڵان و دیلان، فرۆشگای حەسەنی (ویدیۆ ئارتی سەر شەقام) پیشانگای تاکە کەسی ساڵی 2008
شاری سەقز پیشانگای ڕادوێیی پیشانگای هاوبەشی لە گەڵ سروە سائێب و سەعیدە سائێب لە ماڵپەڕی artakurdo ساڵی 2009
چالاکی وانە وتنەوە و فێرکاری نەققاشی لە لایەن ناسر فەیزوڵڵا بەیگی بۆ گەورە ساڵان:
ساڵی 1985 هاوڕێ لە گەڵ کاک مەسعود ڕەحیمی لە ناو مەدرەسەیەک لە نزیک کتێبخانەی گشتی ژمارەی 2
ساڵی 1991 تا 1994 : خانەی فەرهەنگی بانە (تەراحی و نەققاشی)
ساڵی 1998 : دەبیرستانی کار و دانیش لە شاری سەقز (نەققاشی)
ساڵی 1993 تا 2001 : خانەی فەرهەنگی شاری سەقز (تەڕاحی و نەققاشی)
ساڵی 2001 تا 2003 : گوڵستانی فەرهەنگ و هونەری موکریان شاری سەقز (تەراحی و نەققاشی)
ساڵی 1997 تا 1998 : خانەی جەوانی شاری سەقز (تەڕاحی)
ساڵی 2001 تا 2003 : هیلال ئەحمەری شاری سەقز (تەڕاحی)
ساڵی 2003 تا 2005 : ناوەندی ژمارە 2ی موکریان (تەڕاحی، نەققاشی و مێژووی هونەر)
ساڵی 2005 تا 2009 : فێرگەی نەققاشی باران (تەڕاحی و نەققاشی)
بێجگە لە وانە وتنەوە نزیک بە 15 پیشانگای بۆ شاگردە گەورە ساڵەکان کردوەتوو.
چالاکیە فێرکاریەکان بۆ مناڵان و مێرمناڵان :
لە ساڵی 1992 تا ساڵی 1996 بە شێوەی ڕەسمی لە کانوونی پەروەردەیی فیکری مناڵان و مێرمناڵانی شاری بانە کاری نەققاشی و سوفاڵگەری مناڵانی دەست پێکردووە.
ساڵی 1994 تا 1995 سازمانی بێهزیستی شاری بانە (نەققاشی)
ساڵی 2001 تا 2003 گوڵستانی فەرهەنگ و هونەری موکریان (نەققاشی)
ساڵی 2000 تا 2001 سازمانی بێهزیستی شاری سەقز (نەققاشی)
ساڵی 1997 تا 2009 باخچەی مناڵانی گوڵەکانی ژیان (نەققاشی و سوفاڵگەری)
ساڵی 1997 تا 2009 باخچەی مناڵانی پەرەستووها (نەققاشی و سوفاڵگەری)
ساڵی 2004 تا 2005 باخچەی مناڵانی ئایەندەسازان (نەققاشی و سوفاڵگەری)
ساڵی 2001 تا 2003 گوڵستانی فەرهەنگ و هونەری موکریان 2 (نەققاشی و سوفاڵگەری)
ساڵی 2005 تا 2009 ناوەندی فێرگەی نەققاشی باران (نەققاشی و سوفاڵگەری)
ناسر جودا لە وانە وتنەوە لە فێرگە، چەندین پیشانگای بۆ مناڵان بەرپا کردووە و تا ئێستا 26 پیشانگای چەن کەسی بە هاوکاری باخچەی مناڵان و گوڵستانی فەرهەنگ و هونەری موکریان2، فێرگەی نەققاشی باران و ماڵپەڕی artakurdo لە شاری سەقز و هەر وەها چەندین پیشانگای چەن کەسی لە شاری بانە بەرپا کردووە.
شایانی باسە لە بواری بەرپا کردنی پیشانگادا بۆ هونەرمەندانی تری بواری نەققاشی داوە و بە هاوکاری و هەوڵی دۆستان و هونەرمەندان تاوەکوو ئێستا چەندین پیشانگای لە بەرهەمەکانی نەققاشی مامۆستایان ناهید لە غورفەی ئیدارەی کار لە پارکی شاری سەقز و لە ماڵی ئاغای فاروق نەقشبەندی، خانەی موعەلیم، خانەی فەرهەنگ (میهرەجانی مامۆستایان ناهید) و ماڵپەڕی artakurd و artakurdo بەر پا کردووە و هەر وەها بۆ مامۆستا شێرزاد و خاتوو زین لە ماڵپەڕی artakurdo پیشانگای کردۆتەوە.
ناسر فەیزوڵڵا بەیگی لە ساڵی 2009 هاوڕێ لە گەڵ دوو فێرکاری تر خاتوو سەعیدە سائێب و سروە سائێب کلاسی فێرکارییان بە شێوەی پێوەندی لە ڕێی دوورەوە واتە موکاتبەیی و لە ڕێگەی ئینتێرنێتی کردۆتەوە و ئەم بەشەیان چالاک کردووە بە شێوەیەک لە مناڵەوە تا گەورە ساڵ دەتوانن سود لەم فێرکاری نەققاشیە ببینن.
ناسر فەیزوڵڵا بەیگی هەنووکە لە فێرگەی نەققاشی باران سەرقاڵی وتنەوەی وانەی نەققاشی و چالاکیە هونەریە و خەریکی فێر کردنی نەققاشی بە مناڵان و گەورە ساڵانە.