لە زمانی خۆیەوە:
بنچینەی سەردار پشدەری لە خێڵی سوێسنەیە و خێڵی سوێسنەش (SUSIANA) پێشتر دانیشتووی ناوچەی ئەهواز و عەبادانی ئێستا بوون، کە لە سەردەمی مادەکاندا بە سوێسنە ناسرواوە و دەوڵەتی سەربەخۆی خۆیان هەبووە، لەدویدا دەسەڵاتدارانی ئێرانی ڕایان گواستون بۆ بۆ ناوەراستی کوردستان، بەشێکیان هێناوەبۆ ناوچەی #سەردەشت# و پشدەر کەسەردار لەو بەشەیە.
سەردار پشدەری لەهاوینی ساڵی 1948 لەکوێستانی کێلێی سەر سنوری نێوان سەردەشت و پشدەر دا لەدایک بووە، بنەماڵەکەیان خاوەنی دوو ڕاپەڕینن، باوکی سەرداریش ئەفسەر بووەلەکۆماری کوردستان لەمهابادو دۆستێکی نزیکی مەلامستەفای بارزانی بووە، ئەو دۆستایەتیەش وای کردوەکەباوکی سەردار ببێتەیەکەم پێشمەرگەی شۆڕشی ئەیلول لە1961 لەناوچەی پشدەر تاکو 1963.
سەردار لەحەوت ساڵی دەخرێتەقوتابخانەتاکو 1963 کەدەوڵەت لەناوچەکەنەما، بارو دۆخی ژیان باوکی سەرداری لەپێشمەرگایەتی دانیشاندو سەردار لەشوێنی ئەو بوو بەپێشمەرگە، سەردار لەکۆتایی ساڵی 1964 کەدەوڵەت گەرایەوەناوچەکەو قوتابخانەکرایەوە، سەرداریش گەرایەوەقوتابخابەو تاکو سەرەتای 1967 بەردوام بوو لەخوێندن، بارودۆخی سیاسی سەرداری لەخویندن دوور خستەوەلەکۆتایی بەدەست هێنانی بڕوانامەی سێی ناوەندی.
سەردار جارێکی تر پەیوەندی بەشۆڕشی ئەیلولەوەکردەوەو ئەمجارەبەتەمەنێکی زیاترەوەو بەبڕوانامەی سێی ناوەندیەوەکەبۆ ئەو کاتەیەکجار زۆر بوو، ئەوەش وای کرد کەهەر دەورەیەکی ئەکادیمی بکرابایەوەسەرداریان دەنار بۆ ئەو دەورە، بێجگەلەچەندین دەورەی تۆپ و دژی تەیارەو ئەلغام (مین)، دەورەی مامۆستایی قوتابخانەشی تەواو کردو لەساڵی 1968 بوو بەمامۆستای قوتابخانەی بێتواتە.
سەردار لەکاتی شەڕدا شۆڕشگێرێکی سەرکەوتوو بوو بەهەموو چەکێک شەڕی لەگەڵ لەشکری عێراقیدا کردوه، یەکێک بووەلەتۆپهاوێژەبەناوبانگەکانی کورد، ئەو شەڕو تۆپبارانەشکردویەتی بەخۆشەویستێکی شەخسی مەلا مستەفای بارزانی.
لەساڵی 1970 کرا بەئەفسەر لەفەوجی 12 ی حەرەس حدود دا، لەساڵی 1974 بوو بەتۆپ هاوێژ و چاودێرو ڕەسەدی تۆپخانەی شۆڕش لەناوچەی ڕەواندز، بێجگەلەچاودێری تۆپخانەکان، بەشداری لەشەڕی تفەنگ و ئارپێچیش دەکرد لەگەڵ لەشکری عێراقیدا.
لەکۆتایی مانگی نۆی 1974 لەدامێنی چیای هەندرێن، کەوتەناو بێستانی ئەلغامەوەو بە35 پارچەبریندار بوو، یەکێک لەپارچەکان بەناوەراستی پشتی کەوتوەو ئازارێکی بێ دەرمانی بۆ پەیدا کردوە کەتاکو ئێستاش بەدەست ئەو ئازارەوەدەناڵێنێ، ئەوەش دووری خستەوەلەشەڕو شۆڕو سەنگەر بازی.
لە1975 بەبرینداری گەڕایەوەعێراق و دەستی کرد بەدروستکردنی بەربەستی ئاو و پردو ئاوبارە، لەو کارەشدا سەرکەوتنێکی باشی بەدەستهێناو بەو دەستمایەوەلەسەرەتای هەڵگیرسانی شەڕی عێراق و ئێران لەساڵی 1980 خۆی گەیاندە ئەوروپا، لە لەندەن جێگیر بوو دەستی کرد بەکاری دیپلۆماتی و بازرگانی، دۆستێکی زۆری بۆ کورد پەیدا کرد.
لەساڵی 1991 لەسەردەمی کۆڕەوەکەی کوردا بەهۆی دۆستەکانیەوەرۆڵێکی بەرچاوی بینی لەناو نەتەویەکگرتووەکاندا لەبەدیهێنانی پڕۆژەی خەتی 36 و پڕۆژەی نەوتی کوردستاندا کەنامەی نەتەوەیەکگرتوەکانی بەدەست هێنا بۆ دەستکاری نەوتی کوردستان دوور لەدەسەڵاتی بەغدا.
لەسەرەتای ساڵی 1992 دا بۆ یەکەمجار دەستکاری نەوتی کوردستانی کردو چەند بیرەنەوتێکی کردەوەو نەوتی کوردستانی دەرهێنا، بەو نەوتەنوسی کورد ئۆیەڵ و ئاگری تێبەردا.
دوای ئەوەی کەدەوڵەت و پەڕڵەمانی کوردستان سەرداریان دەنگدا کەمافی نیەباسی نەوتی کوردستان بکات، سەردار لەمانگی هەشتی 1992 گەرایەوەلەندەن و دەستی کرد بەخویندن و خوێندنەوەو نوسین، لەو ماوەدا تاکو ئەمڕۆ کۆتایی 2009 دوو دیپلۆمی وەرگرتوەلەنەوت و بەڕێوەبەرایەتی نەوت و ئێستاش لەدوا قۆناغی خوێندنی دایەبۆ بەدەستهێنانی بەکەلۆریۆس لەبەشی ڕامیاری سیاسی (علومی سیاسی)، لەپاڵ ئەوەشدا یانزەکتێبی نوسیوە، پێنج کتێبی 450 لاپەڕەی گەورەی لەسەر نەوتی کوردستانه، کەلەیەکێک لەچاپخانەبەناو بانگەکانی دنیادا چاپ کراوەو ڕۆڵێکی بەرچاوی لەناو کتێبخانەکانی دنیادا بەخۆیەوەبینیوه، دوو کتێبیان ئینگلیزیە، کتێبێک عەرەبیە، دوو کتێب کوردیە، (بڕوانەئەو سایتەو دەتوانن بەهۆی ئەو سایتەیان لەکتێبخانەکان کتێبەکەپایدا بکەن):
http://www.authorhouse.com/Bookstore/ItemDetail.aspx?bookid=57459
شەش کتێبی تریشی تەواو کردوەو وا وردەوردەخەریکی بەچاپ گەیاندنیانە.
لەکۆتایدا، سەردار دوای ئەو هەموو دەردەسەریەتاکو ئەمڕۆ تاکەدۆلارێکی خێر لەو هەموو هەوڵ و کۆششەنەبینیوە.
چەند بەستەرێکی تایبەت بە سەردار پشدەری:
http://www.youtube.com/watch?v=Q5OA5Ir8U24
http://www.facebook.com/profile.php?id=100001664719237