شارەدێی دیانا، سەربە شارۆچکەی سۆرانە لە ( 22) گوند پێکهاتووە و ڕێژەی دانیشتووانی (57066) کەسن. ڕووبەری گشتی (166) کیلۆمەتر چوارگۆشەیە یەکەی ئیداریە سەر شارۆچکەی سۆرانە بەدووری (3) کیلۆ مەتر لەسەنتەری شارۆچکە (36) کیلۆمەتر لە شارەدێی سیدەکان وە (20)کیلۆمەتر لە شارەدێی خەلیفان و (106) کیلۆمەتر لەناوەندی پارێزگای هەولێرە وە دوورە.
دوای دامەزراندنەوەی شارەدێیە لە ساڵی 1991 (8) بەڕێوەبەر کاریان لەم شارەدێیە کردووە.
لە میانەی حوکمڕانی (عەبدولکەریم قاسم) لە ساڵی 1961 بەنووسراوی ژمارە (15) کراوە بە سارەدێ کە ئەو کات سەربە شاارۆچکەی ڕواندز بووە.=KTML_Photo_Begin=https://www.kurdipedia.org/files/relatedfiles/2010/4674/0001.JPG=KTML_Photo_Alt=دیانا=KTML_Style=width:25%;height:20%;float:right;=KTML_Photo_Target_Link=https://www.kurdipedia.org/files/relatedfiles/2010/4674/0001.JPG=KTML_Photo_End=
زیاتر لە (45) گوند سەر بەو شارەدێیەوەبوون تادوای ڕاپەڕینەکەی 1991 کەژمارەیک لەوگوندانە گوێزراونەوە سەر شارۆچکەی مێرگەسوور.چونکە لە سنووری قەزاکەبوون وە ئێستا (22) گوند سەربە دیانایە وەلە ساڵی 1986 -1987 ئەم یەکەی ئیداریە هەلوەشایەوە لەلایەن ڕژێمی بەعس لەبەرچەند هۆکارێکی سیاسی و دوای سەرهەڵدانەکەی 1991 دامەزرایەوە.
هەلکەوتەی جوگرافی شارەدێی دیانا:-
یەکەی ئیداری دیانا هاوسنوورە لەگەڵ هەریەکە لە شارەدێیەکانی سیدەکان لە باکوور شارەدێی خەلیفان لە باشوور و شارەدێی سمیلان لەرۆژهەلات و شارەدێی مەزنێ لەر ۆژئاوا هەروەها هاوسنوورە لەگەڵ هەردوو شارۆچکەی سۆران لە باشوور شارۆچکەی ڕواندوز لە باشووری ڕۆژهەڵات.
شارەدێی دیانا دەڤەرێکی دەشتایی یە وەبەشی هەرەزۆری ڕەخساوە بۆ کشتوکال بەڵام لەو دوایەدا ئەم زەویانە ڕووبەری زۆریان کومەلگاو بینایی حکومی لەسەر درووستکراون هەندێکیان کراون بەکارگە لەلایەن کومپانیاکان وەئەوەی ماوە سوودی لێ وەردەگیرێت بۆبەروبوومی کشتوکاڵی بەتایبەتی لەگوندەکانی دەوروبەر چونکە کەشوهەوای ئەو دەڤەرە زۆر لەبارە ڕێژەی باران بارینی ساڵانەی دەگاتە 650 تا 700 ملم ئەگەر وشکەسالی نەبێت ئەمەش دەگەڕێتەوە بۆ ئەوەی کەئەم دەڤەرە بەچیا سەرکەشەکانی کورەک و هەندرێن و حەسەن بگ و زوزک و برادوست و گورەزو دەورەدراوە کاریگەریی تەوای کردووتە سەر بواری کەشوهەوایەکی لەبار بۆهەموو جۆرە بەرهەمێکی کشتوکاڵی زستانەو هاوینە.
-پێکهاتەی ئایینی دانیشتووان لە 98% موسوڵمان وەنزیکەی 2% کریستیان کەبەدرێژای دەیان ساڵ بەئارامی وئاسوودەیی ژیان بەسەردەبەن لەناوەندی دیانا وەبەشێک لەبرا کریستیانەکان لە گوندی هاودیان دەژین ئەمەو کۆمەڵێک عەشیرەت لەو دەڤەرە دا نیشتەجێن کەرژێمی بەعس کاریگەریی ڕاستەوخۆی هەبووە لەوبارەیەوە ئەمەش بەراگواستنەوەی گوندە سنووریەکان بۆکۆمەلگای دیانا ی زۆرەملێ کەکاتی خۆی (1000) خانووی درووستکرد بۆئەم مەبەستە لەمانە عەشیرەتی (بارزان -بالەک-برادۆست -گەردی -موهاجر).
ڕێژەی پیاو 52% وەرێژەی ئافرەت 48% بەڵام ڕێژەی منداڵ 46% لەسنوور شارەدێی دیانا.[1]