دڵشاد شەھاب حاجی، لە دایکبووی گوندی ئەرگۆش، سەربە شارۆچکەی #مێرگەسۆر# لە پارێزگای #ھەولێر#ە، لەھەڵمەتی ڕاگوێزانی بارزانییەکان لە ساڵی 1978 لە کۆمەڵگەی #ھەریر# نیشتەجێ دەبن، خوێندنی سەرەتایی و ئامادەیی لە کۆمەڵگەی ھەریر تەواو دەکات، پاشان بڕوانامەی بەکالۆریۆسی لە تەلارسازی لە زانکۆی سەلاح الدین بەدەستھێناوە لە ساڵی 1994.
=KTML_Bold=پۆستی حزبی و ئیداری=KTML_End=
- لە ساڵی 1991 ئەندامی یەکێتی قوتابییانی کوردستان بووە.
- لە ساڵانی 1997 - 2000 لە ڕێکخراوی چاندەر بۆ ئاوەدانکردنەوەی کوردستان کاری کردووە.
- ئەندامی سەندیکای ئەندازیارانی کوردستان بووە.
- ئەندامی پەڕڵەمانی ھەرێمی کوردستان لە ساڵی 2009 و وەک جێگری سەرۆکی لیستی کوردستانی و ئەندامی لیژنەی ئاوەدانکردنەوەی گوندەکان بووە.
- وەزیری شارەوانی و گەشتوگوزار لە حکومەتی ھەرێمی کوردستان بە سەرۆکایەتی #نێچیرڤان بارزانی#، لە کابینەی پێنجەم ساڵی 2009.
ئێستا (2023) وتەبێژی سەرۆکایەتیی ھەرێمی کوردستانە، لە خولی سێیەمی سەرۆکایەتی ھەرێم، بە سەرۆکایەتی نێچیرڤان بارزانی. [1]